Bertsoak - Fitxa ikusi Atal honi buruz gehiago jakiteko
2000-01-28 Lesaka Sariketa [Bertsoa] / Xabier Silveira
| Bertsoa entzun |
2000-01-28 Lesaka Sariketa [Bertsoa] / Xabier Silveira
Neurria:
Neurri luzekoak
Kokapena:
XDZ - Xenpelar Dokumentazio Zentroa
Saminez hiltzen nuen eguna,
negarrez laztandu gaba,
negarrez entzun nere bihotza,
sentitu bere ikara;
bizitzak berak aurrez jarriak
nik ez dakit zenbat traba!
Odolez betea aba,
hau samina, hau zirrara!
Zer da bizitza ez baldin bada
heriotzaren aldaba?
Nahi edo ez nahi horrela da ta
hiltzeko jaioak gara. (bis)
Aspaldi ez dut lo gustoz egin,
ezin dut esnatu lasai;
zazpi buruko herensugea
sentitzen dut nere artzai;
sarri somatzen ene erraiek
horrenbeste odol usai!
Beti irrifar baten zai,
ta ez nintzen hartzeko gai;
orain bihurtu zaizkit etsaiak
hainbat lagun eta bi anai;
bizitza horri deitzen bazaio
ez dut gehiago bizi nahi! (bis)
Iraganataz badut oraindik
hainbat oroitzapen labur;
nere burua engainatua,
niri egina iruzur;
baina itzali behar den suari
zertan bota gehio egur?
Zertan bizi burumakur?
Zertan bizi zur eta lur?
Zerutik ere ezingo diot
munduari erran agur,
zeren ni hiltzen banaiz sekula
infernura noa ziur. (bis)
Datu-base honetan eskainitako informazioari buruz jakiteko, kontsultatu lege oharra