Bertsoak - Fitxa ikusi Atal honi buruz gehiago jakiteko
2003-05-31 Arrasate Jaialdia [Bertsoa] / Jon Maia
Bertsoa entzun |
2003-05-31 Arrasate Jaialdia [Bertsoa] / Jon Maia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Hoiek guztiak egongo ziran
noizbait herrian bizitzen
urterik urte denborarekin
nola denak diren hiltzen.
Gaur etorri naiz ta aspaldian
halako irrikaz nintzen
milaka argazki txikitxo daude
milaka lore ta izen...
Bakar-bakarrik nagoen arren
ez naiz bakarrik sentitzen. (bis)
Hilobi hauek ikusiaz bat
hesteak zaizkit mugitu
tarteka ere ezagun batzuk
nola ditudan aurkitu.
Hain sentsazio arraroa da
ezin dela entenditu:
hona begira, hara begira
hara zenbat zirrikitu!
Bat bakarra da herio baina
milaka arpegi ditu. (bis)
Haize leun bat sentitu det ta
jarri naiz horra begira
hotzikara bat goitikan behera
nola sartu zaidan di-da.
Gu ere hala etorri gera
noizbait hiltzeko bizira
oraintxe hila egon leikena
beste nunbaiten bizi da
baina oroitzen geran artean
denak gugan bizi dira. (bis)
Datu-base honetan eskainitako informazioari buruz jakiteko, kontsultatu lege oharra