Bertsoak - Fitxa ikusi Atal honi buruz gehiago jakiteko
2004-03-26 Azpeitia Sariketa [Bertsoa] / Beñat Lizaso, Jokin Uranga
Bertsoa entzun |
2004-03-26 Azpeitia Sariketa [Bertsoa] / Beñat Lizaso, Jokin Uranga
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Uranga:
Lagun taldean antolatuta
afari bat informala
modan dago-ta asto jana da
neretzat gauza normala.
Zu ikusita iruditzen zait
astoa zu zeu zerala
zure legatza ere norbaitek
hil du astoa bezala. (bis)
B. Lizaso:
Arrazoi dezu legatza hil dute
asto zaharra bezela
baina kuadrilan dan jokaera
iruditu zait krudela.
Ez al dakizu, Jokin, astoa
gaur ia galdua dela?
Ta gero beti esango dezu
ekologista zarela. (bis)
J. Uranga:
Ekologistak Beñat modatik
paseak dira gaur egun.
Amonak zion "Asto honekin
ze arazoa daukagun!";
ostikoz jota aidean bota
gintuen hiru-lau lagun...
bizirik ez zun ezer onikan
hilda probatu dezagun. (bis)
B. Lizaso:
Bizirik ez du bat'e balio
ai zer nolako kaltea!
Zuek ostikoz jo zintuzteten
ai, zer nolako suertea!
Ez zazu uste nik zuen gisa
asto zahar hau jatea
nik askoz ere nahiago nuen
baba jana egitea. (bis)
J. Uranga:
Astoa ikusi eta laguna
zaude estu eta larri
zu bezelako mutil aluak
ezagutu ditut sarri;
begiak jarri dizkiozu baba
eta legatz kaxkar horri...
lagunartea errespetatu
ta bestela ez etorri. (bis)
B. Lizaso:
Gaur etorri naiz ta txulo asko
hori ez al da ezagun?
Eta mesedez asto kontuan
gehiago ez zazu jardun;
nei sekulako pena ematen dit
hori jakin zazu lagun...
Aste Santuak badatoz eta
bijili egin dezagun. (bis)
Datu-base honetan eskainitako informazioari buruz jakiteko, kontsultatu lege oharra