Bertsoak - Fitxa ikusi Atal honi buruz gehiago jakiteko
1998-11-27 Eibar Jaialdia [Bertsoa] / Aitor Mendiluze
| Bertsoa entzun |
1998-11-27 Eibar Jaialdia [Bertsoa] / Aitor Mendiluze
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Denok dakigu bizitza hontan
ez gabiltza oso lasai;
denok dakigu denbora ere
ohi degula gure etsai;
denok dakigu arazoeri
gertutikan hartzen usai,
baina bizitza eta bertsoa
parekatzea nuke nahi:
bertso bat beti hobetu leike
eta bizitza ere bai.
Sarri dakigu edozergatik
isurtzen dela odola
ta badakigu ingurukoei
nola ez zaien ajola;
bainan ziurra bada gauza bat,
ez dago ahazterik inola:
bertsoa guk geuk egiten degu
ez jakinagatik nola
eta bizitza egitea ere
gure eskutan dagola.
Neri esperantza zerk dakarkidan
hemen galdetu didate,
jaiotzerako banuen eta
hortik ez det galdu bate;
bizitzan eta bertso saiotan
bietan hartzen det parte;
batzutan ondo bestetan gaizki
baina horretaz aparte,
ezer ez degu inoiz bukatzen
agurra kantatu arte.
Datu-base honetan eskainitako informazioari buruz jakiteko, kontsultatu lege oharra