BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-10-25 Oñati Txapelketa

Gai-emailea

Aizpuru, Egoitz

Bertsolariak / Egileak

Izagirre, Iñigo

Uranga, Jokin

Lana

Binaka gaia-emanda

Jarritako gaia

Zuk, Iñigo, amonak, Jokin suhiltzaileari deitu diozu zure etxea sutan dela eta laguntza eske. Suhiltzailea heldu denerako zu, Iñigo, etxetik irtenda zaude, baina zure txakurra barruan geratu da.

Deskribapena

Doinua

Aresoarren bandera

Neurria / Estrofaren izena

KOPLEN MULTZOA

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-10-25 Oñati Txapelketa [Bertsoa] / Iñigo Izagirre, Jokin Uranga

Neurria:  KOPLEN MULTZOA 
Kokapena:  XDZ - Xenpelar Dokumentazio Zentroa 

---

I. Izagirre:
Gaur lentejekin aldrebes
moldatua naiz tamalez
eta etxea suak hartu dit
nere ustez berez.
Txakurra hor dago errez
lagun bakarra dudanez
besterik ez zait gelditzen eta
lagundu mesedez! (bis)

J. Uranga:
Deituta oso gutxira
nator zure baserrira.
Esan didazu "Mesedez Pintto
hortik erretira!"
Baina begira, begira!
Guztia sutan ari da
aizu amona ni suhiltzailea naiz
eta ez suizida! (bis)

I. Izagirre:
Alperkerian bai maisu
lotsarikan ez dezu aizu
sartu zaitea baserriraino
orain pausuz pausu.
Hor daukat nik etxea su
txakurra atera zazu
ta Pintto beltza bihurtu aurretik
ekarri zaidazu. (bis)

J. Uranga:
Urrun daukazu irria
eta pena ekarria.
Uste al dezu nere samina
gaur dela urria?
Nahiz pasa une larria
Pinttok badauka neurria
bukaerararte defendatzeko
bere baserria. (bis)

I. Izagirre:
Defensa baten harira
keak itotzen ari da
barkatu baina ezin naiz egon
kanpotik begira.
Ordaina zenuke, tira
gonbidatuen neurrira
berriz lentejak egindakoan
nere baserrira. (bis)

J. Uranga:
Pintto ez da ez motela
oldarra eta ustela
sua hasi ta berehala ihes
eingo zun bestela.
Nahiz jakin erreko zela
hor jarraitu du horrela
zure txakurra har dezakegu
heroi bat bezela. (bis)