Bertsoak - Fitxa ikusi   Atal honi buruz gehiago jakiteko

1990-04-20 Zumaia Jaialdia [Bertsoa] / Xabier "Euzkitze"

Bertsoa entzun  

Informazio orokorra

Kategoria
Bat-batekoa
Saioa
1990-04-20 Zumaia Jaialdia
Bertsolariak / Egileak
Xabier "Euzkitze"
Lana
Bakarka gaia-emanda
Jarritako gaia
EEBBtan SIDAren haurra bezela ezaguna zena hil egin da hamazortzi urterekin. Egin ezazu kontu zeu zinala haur hori eta egin iezaiozu munduari agurra.

Deskribapena

Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1990-04-20 Zumaia Jaialdia [Bertsoa] / Xabier "Euzkitze"

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Bizimodua ez det igaro
oso suerte onean,
erdia behintzat pastila eta
botiken aldamenean,
hainbat mediku etenik gabe
saiatu dira lanean,
baina momentuz sendatu ezinda
zerbait daukat barrenean,
eta mundua uztera noa
sasoirik ederrenean. (BIS)

Munduan ez du askok izango
nik aina osasun premi,
baina agian ez da hainbeste
buelta ematerik komeni,
SIDA zikinak hemen utzi nau
ez hezur eta ez mami,
behintzat oraintxe zuen artetik
kezkarik gabe noa ni,
ez bait diot zor haundirik egin
mundu negargarri honi. (BIS)

Azken azkenik ahoan indar
apurrik badaukat behintzat,
oihu ozen bat zuzendu nahi dut
mediku jendearentzat,
konponbidea hoien eskutan
geratzen dela deritzat,
ea lehenbailehen azaltzen diren
medizinaren emaitzak,
besterik inor menpera ez dezan
ni usteldu nauen gaitzak. (BIS)

Datu-base honetan eskainitako informazioari buruz jakiteko, kontsultatu lege oharra