Bertsoak - Fitxa ikusi   Atal honi buruz gehiago jakiteko

1990-08-25 Bidania-Goiatz Jaialdia [Bertsoa] / Jon Enbeita

Bertsoa entzun  

Informazio orokorra

Kategoria
Bat-batekoa
Saioa
1990-08-25 Bidania-Goiatz Jaialdia
Gai-jartzailea
Murua, Iñaki
Bertsolariak / Egileak
Enbeita, Jon
Lana
Bakarka gaia-emanda
Jarritako gaia
Orain dela gutxi esaten ziguten drogaren inguruan poliziak 20.000 pertsonatik gora atxilotu dituela eta egunkari beroiek esaten ziguten hala ere drogaren eraginez iaz baino bi aldiz jende gehiago hil dela. Zer diozu?

Deskribapena

Doinua
Aita izena kanta beharrak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1990-08-25 Bidania-Goiatz Jaialdia [Bertsoa] / Jon Enbeita

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Droga dela ta hainbeste mila
gartzelan omen dituzte,
esandakoak zuek bezela
sinetsi gura nituzke,
egun denetan entzuten baida
hamaika heriotz triste,
baina Herriak daki hau zer den
nahiz eta eurak ez uste,
erretzaileak dauzkate preso
ta banatzaileak aske. (BIS)

Droga dela ta gure artera
iritsi zen zoritxarra,
drogatik dator dirua eta
diruak dauka indarra,
argi da beraz arazo honek
duen arrazoi bakarra,
disimulatu behar nolabait
hain jokabide kaxkarra,
lapur haundiak lasai ditezen
txikiak sufri beharra. (BIS)

Gartzela denak omen dauzkate
drogazalekin betean,
eta kalean lehen baino gehio
hiltzen zaizkigu golpean,
goitikan datoz azpikoari
indarraren atakean,
gartzela danak beteagatik
ez gera izango pakean,
drogatik bizi diren guztiak
sartu arte giltzapean. (BIS)

Datu-base honetan eskainitako informazioari buruz jakiteko, kontsultatu lege oharra