Bertsoak - Fitxa ikusi Atal honi buruz gehiago jakiteko
1990-10-12 Tolosa Jaialdia [Bertsoa] / Xabier "Euzkitze"
Bertsoa entzun |
1990-10-12 Tolosa Jaialdia [Bertsoa] / Xabier "Euzkitze"
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Martxelik eman digun datuak
bihotza jarri dit dar-dar,
mila soldadu ejertzitoan
hor ari dira su ta gar,
aspaldi hontan gertatu dira
auskalo zenbat ezbehar,
ta soldadu bat hiltzen omen da
gaur bi egunetan zehar,
eta salbatzen direnek berriz
Golfora aldegin behar. (BIS)
Gurasoengan nabaria da
hainbat malkoren dizdira,
seme mordo bat hil zaie eta
beste asko urrutira,
nere ustetan kopuru hori
asko luzatzen ari da,
ejertzitoa dela ta ez dela
hainbat euskaldun hil dira,
hutsa litzake euren Herria
zerbitzatuz hil balira. (BIS)
Gaur egun neri negar eginik
badauka Euskal Herriak,
noiznahi bai datoz zotin negarra
sortu ohi duten berriak,
kolpe batetik ahaztu ohi dira
ilusio ta irriak,
Serra jaunak e(re) baditu hortan
kulpa ikaragarriak,
bere seme bat hiltzen denean
hartuko ditu neurriak. (BIS)
Datu-base honetan eskainitako informazioari buruz jakiteko, kontsultatu lege oharra