Bertsoak - Fitxa ikusi Atal honi buruz gehiago jakiteko
2002-11-08 Ataun Jaialdia [Bertsoa] / Alaitz Sarasola
Bertsoa entzun |
2002-11-08 Ataun Jaialdia [Bertsoa] / Alaitz Sarasola
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Tornero gisa hurbildu nintzen
ni tailer txiki batera.
Nahiz ta sarritan txirbil pusketak
joan begien tartera
hil azkenean poztasun haundiz
bete izan det kartera
ta lan honetan hasi ezkeroz
ia urtea bete da
gizonen lana omen da baina
ez zait bizarrik atera!
Lizentziatuen krisiak gogor
egin duenez eztanda
nere hautua ofiziorantz
bideratzea izan da
eskuratuaz oraintxe degun
lan anitzetan demanda.
Zertan egondu behar gerade
hanka hankari emanda?
Horrela narrats egingo degu
berdintasun propaganda.
Neri lagunak bihurtu zaizkit
metala eta txirbila.
Aurrera ere jarraituko det
iraultza txikien bila.
Zertan amildu fintasunean
berez banauzu abila?
Segi dezagun bide honetan
hau ez da bide isila
ta aurrekoena izan ez dena
geurea izan dedila!
Datu-base honetan eskainitako informazioari buruz jakiteko, kontsultatu lege oharra