Bertsoak - Fitxa ikusi Atal honi buruz gehiago jakiteko
1998-11-27 Eibar Jaialdia [Bertsoa] / Igor Elortza, Aitor Mendiluze
| Bertsoa entzun |
1998-11-27 Eibar Jaialdia [Bertsoa] / Igor Elortza, Aitor Mendiluze
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Mendiluze:
Biok iritsi ohi gera noizbait
pertsonaren bihotzera,
biok iritsi ohi gera noizbait
bere lanak agintzera;
nahiz eta orain sasoian egon
lasaitu nere antzera,
denborarekin zerorri ere
ni bilakatuko zera.
I.Elortza:
Esperientzia baduzu baina
jakinduria oporretan,
ostera zenbat jakintza gorde
litekeen buru honetan!
Esperientzia gabezi honek
nahiz eta naukan zorretan,
hanka sartzeko beldurrik ezak
laguntzen digu horretan.
Mendiluze:
Hanka sartzeko bildurrik ez-ta
gaztea beti kirtena,
deborarekin izango baita
hainbat zulotik irtena.
Biok batera ezin izana,
hori izango da pena,
zu zera denek dutena eta
ni eduki nahi nautena.
I.Elortza:
Bizitza hontan bakoitzak beti
jokatu bere ertzean,
esperientzia duenak antza
jakintza dauka beltzean;
mundua hobe izan liteke
noizbaitean argitzean,
zergatik joan ohi den jakintza
esperientzia biltzean.
Mendiluze:
Esperientzian bila guztiak
ta ezin topatu bela,
denborarekin egiten da-ta
hau da karrera itzela;
zu pasa eta ni lortzen naute
biak alperrik bestela,
ta har nazazu ni berez zeure
semea banintz bezela.
I.Elortza:
Semetzat nola hartu liteke
berezkoan aita dena?
Bizitza hontan bat eta beste
nahastu ohi dugu dena.
Esaldi labur batean bildu
nahi dut bizitzaren pena:
inor ere ez da perfektua hemen
ta hori da politena.
Mendiluze:
Inor ez da ta inor ez dabil
perfekzioaren eske,
gu biok behar gaituztelako,
nik behintzat hala det uste;
gazteek beti esperientziak
azkar lortu nahi dituzte
eta zahartzean berriz ere zu
faltan botako zaituzte.
I.Elortza:
Argi gelditu zaizkigu beraz
bizitzaren garrantziak,
zaharrak ere bere jakintzak
antza ez dauzka ahantziak;
hankasartzeak aparte utziz
ta ahazturik diferentziak,
onena dugu jakinduriaz
biltzea esperientziak.
Datu-base honetan eskainitako informazioari buruz jakiteko, kontsultatu lege oharra