BDB Bertsolaritzaren datu-basea

Informazio orokorra

Kategoria

Bat-batekoa

Saioa

1997-12-25 Larrabetzu Jaialdia

Gai-jartzailea

Gaztelumendi, Patxi

Bertsolariak / Egileak

Lujanbio, Maialen

Maia, Jon

Lana

Binaka gaia-emanda

Jarritako gaia

Maialenen etxean mobil bat utzi du Olentzerok, alboan idatzi batekin: "Maite zaitut, deitu eta jakingo duzu nor naizen". Deitu du eta Jonek erantzun dio.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1997-12-25 Larrabetzu Jaialdia [Bertsoa] / Maialen Lujanbio, Jon Maia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Bihotz erdian bila
nabil egun ta gau,
telefono movilak
eskeini arte, rau!
Joni deitu diot ta
hizketan hor dirau,
ta kobre zaporeko
maitasuna da hau. (bis)

Maia:
Aurrerapenak datoz
jendearen alde
ta ez dago gasturik
munduan debalde.
Deitu didazu eta
orain hemen gaude,
kableak kruzatuta
kablerikan gabe. (bis)

Lujanbio:
Ahots bajuz ari da
kristonak esaten;
odola ta gorputza
daukat irakiten.
Entzuten al dezute
zer esaten diten?
Moviline ta Partyline
tiro bakar baten. (bis)

Maia:
Ez dut hori esan nik,
besteak hor konpon!
Gauza hobeagorik
ezin zan itxaron;
ta badakizu orain
nola modan dagon:
"aupa Maialen, Jon naiz
ta Eguberri on!". (bis)

Lujanbio:
Ez zazu pentsa horrekin
egiterik negar;
"Eguberri on!" entzunda
nago txoratzear.
Ezer probatu gabe
lau urtetan zehar,
eszitatzeko ez det
gehiagorik behar. (bis)

Maia:
Eszitatzea beraz
hain daukazu errez!
Jokatu behar degu
horren gizalegez,
ta egin genezake,
orain adibidez,
maitasuna ohean
telefono bidez. (bis)

Lujanbio:
Holako harreman bati
morborik ezin ken;
biok ari gintezke
ohean sartu-irten,
ta aspertzean kolgatu
kolpetik bat-baten!
Maitale hauek ez dute
problemik ematen. (bis)

Maia:
Zure menpean nago,
eskutan naukazu;
ideatxo bat daukat,
egidazu kasu:
nola hain modernoak
geran ni eta zu,
pilak bukatu arte
maitatu nazazu. (bis)