Bertsoak - Fitxa ikusi   Atal honi buruz gehiago jakiteko

2006-08-26 Bilbo Jaialdia [Bertsoa] / Sebastian Lizaso, Anjel Mari Peñagarikano

Bertsoa entzun  

Informazio orokorra

Kategoria
Bat-batekoa
Saioa
2006-08-26 Bilbo Jaialdia
Gai-emailea
Eizmendi, Jon
Bertsolariak / Egileak
Lizaso, Sebastian
Peñagarikano, Anjel Mari
Lana
Binaka gaia-emanda
Jarritako gaia
Peña atzo gauean juergan atera zen, eta goizeko bostetan autoa hartzera doala hor ikusi du autoaren aurrean etzanda Sebastian punka neska bati muxuka. Paretik kentzeko esan dionean, haserretu egin da.

Deskribapena

Doinua
Kontu barri bat suzedidu da II
Neurria / Estrofaren izena
Lauko handia (hg) / Bi puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2006-08-26 Bilbo Jaialdia [Bertsoa] / Sebastian Lizaso, Anjel Mari Peñagarikano

Neurria:  Lauko handia (hg) / Bi puntuko handia (ip) 
Kokapena:  XDZ - Xenpelar Dokumentazio Zentroa 

A.M. Peñagarikano: Ikusten zaituztet hor muxuka
zeinen ongi zabiltzaten
bainan gutxienez utz zaidazu
nere kotxea eramaten.

S. Lizaso: Kotxea eraman nahi badezu
zuk atzekaldera bota;
neri pakean utzi zaidazu
ondo aparkauta nago-ta!

A.M. Peñagarikano: Eta gainera berak arrazoi
"¡Oye tu! ¿Que pasa tio?"
Nere kotxea hartu behar det
utz zaidazu mekauen dio!

S. Lizaso: Berriro diot joan nahi badezu
bota zazula atzera!
Nere gainetik pasatzen hasiz
irauli egingo zera!

A.M. Peñagarikano: Muxu ematen egiten dezu
hemen zure ahalegina;
nahiago nuke deskuidatuta
erori egingo bazina!

S. Lizaso: Hemen muxuka nabilelako
zu ez zaitez egon lasai;
muxu ematen badakit baina
ostiak ematen ere bai.

A.M. Peñagarikano: Ginebrarekin hartuko zuen
honek nahiko Coca Cola;
gizarajoa ez da ohartzen
neskatxa lotan dagola!

S. Lizaso: Neskatxari ez dio antzeman
nahiz eta egon begira.
Ez dago lotan zure aurrean
plantak egiten ari da.

A.M. Peñagarikano: Eta azkenean triunfatu det
triunfatu det dedio!
Nerekin disputan ari zala
esnatu ta alde egin dio.

S. Lizaso: Arrazoi dezu neska joan da
nerekin hainbat zorigaitz
baina zuk ez daukazu joaterik
baldin mugitzen ez banaiz.

A.M. Peñagarikano: Ta ba al dakizu? Nahiko lekua
badaukat portamaletan;
benga zatoz ta sartu zaite hor
ta lo egin zazu bertan!

S. Lizaso: Konforme, sartuko naiz horruntza
ados bazaude tratuan;
Getxon bizi naiz ta esna nazazu
etxera heldutakuan.

Datu-base honetan eskainitako informazioari buruz jakiteko, kontsultatu lege oharra