Bertsoak - Fitxa ikusi Atal honi buruz gehiago jakiteko
2009-10-03 Zestoa Txapelketa [Bertsoa] / Jone Uria Albizuri
| Bertsoa entzun |
2009-10-03 Zestoa Txapelketa [Bertsoa] / Jone Uria Albizuri
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Mutila ta ni behin eta berriz
nahiz ta horretan saiatu
ez dugu lortzen ez dugu lortzen
patua beti da patu
ta azkenean mediku bati
arazoa kontsultatu
emaitzak esku batean hartuz
eta esanez "Barkatu.
Pena da baina- mediku jaunak
hala esan zidan altu-
"zure bizitzan ezingo zara
sekula haurdun geratu".
Nahiz hasieran biok gelditu
ginen triste erdi grogi
bagenekien gertatzen dira
halako mila histori.
Adoptatzea erabaki ta
hautatu al dugu ongi?
Txinan umeek ez omen dute
ez familia ez ogi.
Etor dadila ta maitasunez
guk jarriko dugu lodi
gure etxean jaso dezala
Txinan ezin duen hori.
Bi urte bete berriak ditu
hau da notizi itzela!
Miren izena jarri diogu
senarraren erregela.
Soilik falta da sinatzea orain
aurrean dudan papela
dardarka baina sinatuko dut
ondo baitakit horrela.
Nahiz badakidan beti esaten
den gauza berbera dela
seguru nago maiteko dugu
gurea balitz bezela.
Datu-base honetan eskainitako informazioari buruz jakiteko, kontsultatu lege oharra