Ion Ansa

Biografiak - Fitxa ikusi Atal honi buruz gehiago jakiteko

Izena: Ansa, Ion
Izen abizen osoak: Ansa Mendizabal, Ion
Jaiotza: 1977 Errenteria + Errenteria < Oarsoaldea < Gipuzkoa < Euskal Herria

Jarduerak

Bertso irakaslea

Bertsolaria

Eragilea

Jarduerei buruzko azalpenak

Bertso-eskolako irakaslea
Bertsolaria
Eragilea

Biografia: Zinema ikasketak egin ditu Bartzelonan. Beste lanen artean, AEKn irakasle ibili da Xenpelar euskaltegian. Itzultzaile eta euskara zuzentzaile ere izan da, eta Bartzelonako Euskal Etxean irakasle eta koordinatzaile aritu da. 2006an ETBko Hitzetik Hortzera telebista saioko erredaktore hasi zen. Herri mugimenduko talde eta elkarte ugaritan ibilia da. Txikitatik datorkio bertsozaletasuna, eta Xenpelar Bertso Eskolako kide da 1993tik. Hamaika Bertute ekimeneko partaide da.

Lehen plaza: Errenteria-Oreretan, 1999ko martxoaren 18an, Korrika Sarian, kantukide Josu Oiartzabal, Manex Mujika, Iker Goñi, Aitor Albistur eta Mikel Aginaga zituela.

Beste argitalpenak: "Plouen Mentides" Egunkariaren itxieraren aurkako liburuan parte hartu zuen, katalanerazko bertsioan.

"Gorputzaren harmonia" Caixak ateratako DVD-aren itzultzaile.
Ekoizpen oharrak: Irrati esatari izan da Zintzilik Irratian (1995-2003), eta irrati esatari eta teknikari Errenteriako Udal Irratian (1995-1996). AIZU! aldizkariko hizkuntza arduradun eta Kitto Zalantzak! atalaren egile (2002-2003). ON aldizkariko elkarrizketatzaile eta erreportaia egile da 2006tik. Bartzelonako Literaldia euskal literatura zikloa eta Zinemaldia euskal zinema zikloen antolatzaile izan da 2005-2006 urteetan.