Martin Larrañaga Odriozola

Biografiak - Fitxa ikusi Atal honi buruz gehiago jakiteko

Biografia: Azkoitiako Kukuerri bailarako Larrumehaundi baserria jaio zen 1891eko ekainaren 5ean. Zortzi senidetan gazteena zen eta bertsolaria zuen anaia zaharrena ere, Jose Mari Larrañaga "Larrumeko Markesa".

Garai hartan beste asko bezala, Ameriketara, Argentinara joan ziren bi anaia, Martin eta Jose Manuel. Azken hau itzuli egin zen Ameriketatik, ez ordea Martin. Itzuleran, Martin anaiak hango bizimoduaz jarritako bertsoak ere ekarri omen zituen, pergaminoan idatzita. Iloba Martinek, bertso-paperekin batera Antonio Zavalari eman zizkion haiek ere, baina bertso paperak bezalaxe, haiek ere ez zituzten gehiago ikusi Larrumeaundin, Martinek Antonio Zavalari hil aurretik hala eskatu bazion ere. Ez da, beraz, bere bertso etorriaren testigantza asko jaso, baina gelditu dira bakan batzun oinordekoen gogoan Martin Larrañaga Odriozolaren bertsolari senaren erakusgarri.

Bat-bateko bertso ezagunenak: Laxaro Azkunek Alejandro Larrañaga "Ali"ri jasoa:
Martin parrandero samarra izan nonbait eta Zumarragan gau-pasa eginda etxera bueltan zetozen bera eta beste lagun pare bat. Anaia Jose Mari ardietara zihoan mendira, egunsentian, eta biek topo egin zuten bidean, Aintzumarriaga parean (...) Hala kantatu zion Martinek anaiari:

Ai nere anai maitia
bitu izkiu lokatzak.
Gizona galdutzen dik
erretiroik ezak.
Hik ere nere esana
goguan hartu zak.
Eskarmentuan sartzen
ez gaituk errezak.

Jose Mari anaiaren erantzuna ere kantatzen omen zuen Aliren aita Jose Inaziok, baina Alik ez du gogoan.