BDB Bertsolaritzaren datu-basea

Jarduerak

Bertso-eskolako irakaslea

Bertsolaria

Jarduerei buruzko azalpenak

Bertso-eskolako irakaslea
Bertsolaria

Biografia

Oiartzunen jaioa da, eta Lekunberrin bizi da da egun. 14 urte arte Oiartzunen ikasia, tarte horretan musika ikasketak egina da (2-3 urtez) eta txistu ikasketak ere bai (2 urtez). Bertsotan Oiartzungo Haurtzaro ikastolan hasi zen, 13 urtetan, Kontxi Begiristainekin. Bi urteren buruan utzi zuen. 22 urtetan hasi zen berriz, Karlos Aizpuruarekin. Bere biografian deus nabarmentzekotan, esango luke funtsezkoa dela amaren jatorria. Ondarrutarra da, eta hango euskalkia ezagutzeak, berenetik desberdina den hizkera bat, azken batean, euskararekiko ikuspegi berezia sortu du berarengan. Maitasuna, ttiki-ttikitatik. Euskal Filologian lizentziatua da, Berria egunkariko hizkuntza zuzentzailea, eta bertso eskoletako irakaslea.

Lehen plaza

Elgoibarren, 13 urterekin, Gipuzkoako Eskolarteko Txapelketan. Euzkitze gai-emaile, eta Lazkano epaileetako bat. Oiartzundik 6 lagun joan ziren bertsotara: Aitor Maritxalar, Asier Etxebeste, Mirari Eskudero, Juan Mari Lopez, Jagoba Larburu eta seiak.
Berriz bertsotan hasi zelarik: Zarautz, 1996 (Lizardi saria)

Eguneratutako informazioa "Txapelketak" pestainan aurkituko duzu.

Bat-bateko sariketak

Amazkar saria 1998: 2.
Argi Berri saria 1998: saritua
Armu
Lizardi saria 1996: finalista eta bertso onenaren saria
Oarsoaldeko bertsolari txapelketa 2001: bikoteka txapeldun
Oiartzungo herri mailako bertsolari gazteen txapelketa 1996: 2.
Oiartzungo herri mailako bertsolari gazteen txapelketa 1997: 1.
Oiartzungo herri mailako bertsolari gazteen txapelketa 1998: finalista
Oiartzungo herri mailako bertsolari gazteen txapelketa 1999: 1.
Oiartzungo txapelketa 2000: kanporaketa (taldeka)
Oiartzungo txapelketa 2001: kanporaketa (taldeka)
Orixe saria 1997: 1.
Osinalde saria 1998: parte hartzaile
Osinalde saria 1999: 1.
Xenpelar saria 1996: finalista

Azken urteetako sariketa eta lehiaketen berri dagokien pestainetan aurkituko duzu.

Argitaratutako liburuak

Oiartzungo Bertso Asteak urtero liburuxka bat ateratzen du, eta 1997tik parte hartzen du horretan. Idazle gisa parte hartzen du, baina batik bat liburuaren edukiak antolatzen eta biltzen. eta inprentarako prestatu.

Beste argitalpenak

Oiartzunen sortu zen musika talde bat, eta egin izan dituen emanaldietarako bertsoak jarri eta esku orrietan atera izan dituzte

Ekoizpen oharrak

Bertsoa arrazoi sakonez josten daki, indar handiko irudiak erabilita. Kantaera motel eta berezikoa, bertsoa goitik behera borobiltzen saiatzen da beti, eta askotan asmatu ere bai. Hamarreko txikian ongien moldatzen den bertsolarietakoa.