Biografiak - Fitxa ikusi Atal honi buruz gehiago jakiteko
Igotz Alkorta
Datu pertsonalak
- Izena
- Alkorta, Igotz
- Jaiotza
- 1984 Zizurkil + Zizurkil < Tolosaldea < Gipuzkoa < Euskal Herria
Bertsolaritzan
- Jarduera mota nagusia
- Gai-jartzailea
- Jarduerak
-
Antolatzailea Aurkezlea Bertso-irratsaiogilea Bertso-kazetaria
Datu biografikoak
- Biografia
- Zizurkilen (Gipuzkoa) jaio zen 1984an, eta bertan bizi da. Ikus entzunezkoetan lizentziatua, Euskadi Irratiko kazetaria da 2006az geroztik. Aiurri aldizkarian eta Txolarre irratian ere jardun zuen 2000ko hamarkadan.
Herriko festetan, Zizurkilen, igo zen lehen aldiz oholtzara aurkezle eta gai-emaile lanak egitera. 2002 urtea zen. Handik aurrera, jaialdi horretako gai-jartzaile taldeko kidea ez ezik, hogei urtez, 2021era arte, bera izan da gai-emailea eta aurkezlea. Horrez gain, 2008an Txolarre tokiko irratiaren alde Tolosako Iurre auzoko elkartean berak jarritako saioa osatu zuenetik, lauzpabost saiotako gai-jartzaile lanak egin izan ditu.
Bertsozale elkartean Gipuzkoako zuzendaritzako kide izana da eta 2011an Gipuzkoako txapelketako antolatzaile taldeko kide izan zen. 2017an, Gipuzkoako herriarteko txapelketan, Karidadeko Benta (Asteasu-Zizurkil) taldeko gai jartzaile gisa aritu zen. 2024ko Gipuzkoako Bertsolari txapelketako gai-jartzaile taldeko kide da eta lehen aldiz txapelketa honetako aurkezle eta gai-emaile lanak egin ditu.
Aiurri aldizkarian eta Txolarre irratian (Ataria irratia 2013tik) bertsolari txapelketan jarraipena egin izan du. 2010ean, Txolarre irratiko lankide zelarik, urtarrilean Leidor zineman antolatzen den bertso-jaialdia antolatzen hasi ziren; beren eskutik antolatu zen 2013 urtera arte, lau urtez; Tolosaldeko Atariak eman dio jarraipena bertso-jaialdi arrakastatsu honi.