Jose Julian Madoz "Gartxi"

Biografiak - Fitxa ikusi Atal honi buruz gehiago jakiteko

Izena: Madoz, Jose Julian "Gartxi"
Jaiotza: XIX. mendea Zia + Zia < Itza (Udalerria) < Iruñerria < Iruñeko Merindadea < Nafarroa < Euskal Herria
Heriotza: XX. mendea, erdialdea Zia + Zia < Itza (Udalerria) < Iruñerria < Iruñeko Merindadea < Nafarroa < Euskal Herria

Biografia: XIX. mendean jaio zen Zia herrixkan. Gartxirenekoa zen bere sortetetxea, eta hari zor dio bere goitizena. XX. mendearen erdialdean hil zen.

"Gitarra jotzen bazekien. Festazale amorratua izanik, beti, kantuan edo bertsotan aritzen zen, euskaraz, eta baita erdaraz ere. Igandero Ziako bentan biltzen zen, bertsotan aritzeko, bertzeak bertze Arrarasko animali kurandero batekin. Aizkorbeko bentan ere aritutakoa da, eta baita Irurtzungo plazan ere, norekin eta, Andres Astiz Goldarazko bertsolariarekin berarekin ere, Ziako gizon batek errandakoaren arabera.

Bertsolari ona omen zen, etorrera handikoa. Imotz aldetik, eta, Basaburua aldetik ere deitzen zioten, kantatzera joan zedin. Ez omen zuen kontrario egokirik, ordea, Zian bera bakarrik izanik. Kontesta bertso moduan ematen zuen horietakoa zen, gainera."

Diez de Ultzurrun, Kike. 'Gartxi' Ziako bertsolaria IN "Nafarkaria", 105 zkia., 1993-12-10.
http://www.euskaltzaindia.eus/dok/iker_jagon_tegiak/nafarkaria/1993-12-10.pdf ]