Mikel Altzuart

Biografiak - Fitxa ikusi Atal honi buruz gehiago jakiteko

Izena: Altzuart, Mikel
Izen abizen osoak: Alzuart Zaldain, Mikel
Jaiotza: 1971 Arizkun + Arizkun < Baztan < Baztan Ibarra < Iruñeko Merindadea < Nafarroa < Euskal Herria

Biografia: 1989 Txapelketa Nagusiko finala entzutean eta festa giroan kantatzean hasi omen zen zaletzen.
Bortzirietako bertso eskolan hasi zen Arantzan, Bittor Elizagoienekin. Iruñeko Zaldiko Maldikon ere aritu zen. AEKn irakasle aritu zelarik "Solas Jolas" material didaktikoaren bertso gehienen egilea da bera.
Nafarroako Txapelketan 90ko hamarkadan epaimahaiko idazkari lanetan aritu zen. Gero, 1997 eta 1998an kantuan parte hartu zuen; eta handik aurrera berriz, epaile gisa zenbait urtez.
Bertso jarrietan Bidasoako bertso paper lehiaketan lehen eta bigarren sari bat eta Iruñekoan lehen eta hirugarren bat irabaziak ditu.
Azkeneko urteotan bertsoak jarri izan ditu hainbat modutan; bai propio barrutik aterata, bai norbaitek eskatuta.