Bertsoak - Fitxa ikusi Atal honi buruz gehiago jakiteko
2017-12-02 Iruñea Txapelketa [Bertsoa] / Oihana Iguaran, Aitor Sarriegi
| Bertsoa entzun |
2017-12-02 Iruñea Txapelketa [Bertsoa] / Oihana Iguaran, Aitor Sarriegi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Sarriegi: Hau garbi utzi behar da
entzierrorako
O. Iguaran: ba orduan denboraz
ez daukagu asko
A. Sarriegi: bestela zezen asko
ez dira pasako
O. Iguaran: zezenak gera bitez
bidetikan kanpo.
O. Iguaran: Hemen dauden gehienak
ahaztu egin dira
A. Sarriegi: baten bat egongo da
atzetik begira
O. Iguaran: edo igual barrutik
zurrunkan ari da
A. Sarriegi: egia esan dago
kristoren segida.
A. Sarriegi: Horko hori ez al da
alkatearena?
O. Iguaran: Ba hori eramango
nuke nik aurrena
A. Sarriegi: ordenantza berria
sinatu zuena
O. Iguaran: dedikatuta doa
bere multarena.
O. Iguaran: Beldurra ematen dit
zuk firmatu zazu
A. Sarriegi: aizu hemen lanean
gaur gaude ni ta zu!
O. Iguaran: A zuk jefe postua
hortako daukazu
A. Sarriegi: ta jefeari egin
behar zaio kasu.
A. Sarriegi: Beraz sina ezazu
tokatzen zaizuna
O. Iguaran: ba esango det hala
agindu dezuna
A. Sarriegi: gainera alkatea
nik ez det laguna
O. Iguaran: baino zu beretzako
zera ezaguna.
O. Iguaran: Hobe segi ezkero
beste baten bila
A. Sarriegi: hurrengoa ere prest
ipini dadila!
O. Iguaran: Egia esan aukeran
badaukagu pila
A. Sarriegi: segidan daudelako
kontzejal kuadrilla.
A. Sarriegi: Gero multa ez utzi
kajoiren batean
O. Iguaran: ez ordainduko dute
guk jarri artean
A. Sarriegi: ordaindu beharko dute
diruz bapatean
O. Iguaran: eta oroigarri bat
utzita atean.
O. Iguaran: Ea hau bukatzeko
behar da bost egun
A. Sarriegi: eta guztiak orain
multatu ditzagun
O. Iguaran: edo horrela utzi
ondo daude segun...
A. Sarriegi: Ea beste kalean
zer aurkitzen degun.
Datu-base honetan eskainitako informazioari buruz jakiteko, kontsultatu lege oharra