BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-12-17 Barakaldo Txapelketa 16:30

Gai-jartzailea

Gai-jartzaile Taldea

Gai-emailea

Jauregi, Saroi

Bertsolariak / Egileak

Arzallus, Amets

Lana

Bakarka gaia-emanda

Jarritako gaia

Hamar urteko haur bat duzu harreran. Gaur du asteroko bisita familia biologikoarekin. Noiz itzuliko zain zaude.

Deskribapena

Doinua

Oso polita zara izatez

Neurria / Estrofaren izena

Hamabiko handia (hg) / Sei puntuko handia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-12-17 Barakaldo Txapelketa 16:30 [Bertsoa] / Amets Arzallus

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Laguntza behar duen haur tropa
hain da luze ta zabala!
Jakin nuen ta nere eskua
luzatu nun berehala.
Laguntzaile huts nahiz eta naizen
ta ideia razionala
ezin dudala berekin sortu
harreman bat pasionala
ja nahiz ta ia egin ditudan
mamia eta azala
ez dut nahi baina senti nezake
nerea balitz bezala. (bis)

Arratsalde bat pasatuko da
ta ikusiko ditut beltzak
muxu eman nahi irri egin nahi
ta sentitu nahi neretzat
bospasei ordu joango zaizkit
gorputzeko hutsunetzat
gauza hauek sortu ditzakeelako
norberaren haurrik ezak
ta pentsa horko orduek neri
hala igurtzirik ertzak
ez dut jakin nahi ze izango den
bere guraso batentzat! (bis)

Bere guraso gizagaixoek
ze sufrimen ta kaltea!
Itxuraz hezi ezin zutenez
eten zieten katea
ta horregatik egokitu zen
haurra neri ematea
baina egun baten itzuliko da
zabalduko dut atea
ta urtetarako izan liteke
gaur bost ordu den tartea.
Zaila zait baina desio dizut
zoriontsu izatea. (bis)