J. Maia:
Desagertu daitezen
gure bazter beltzak
ta gauzatu daitezen
biharko ametsak
gure bedeinkapena
jaso dute behintzat.
Horra hiruki garbi
baten hiru ertzak:
hiru eredu dira
herri guztientzat. (bis)
U. Alberdi:
Berdin herriko neska
mutil nahiz alkate
nahiz kanpotik eduki
hamaika atake
helburu baten bila
denak jo eta ke
auzolana sustatuz
eta atez ate.
Besteok jarraitzeko
bide bat zerate. (bis)
J. Maia:
Hainbeste hamarkadetan
luza den kordela
dena zikinkeria
sortzen genbiltzela
mendi ala ibaiak
destinu krudela
baina ibiliaz bide
hortan goazela
beste mundu mota bat
posiblea dela. (bis)
U. Alberdi:
Ta horrek mantentzen du
gure esperantza
nahiz hasieran bazen
nahikoa zalantza
denak konbentzituta
pozik gaude antza.
Segi dezagun beraz
helburutarantza
buruan klik txiki bat
delako iraultza. (bis)
J. Maia:
Ba bai ta egin behar da
aztertu ta solas
irudimenarekin
sortu eta jolas
gure ilusioaz
ta gure gogoaz
ez abiadura haundiz
bazter denak joaz
gu gure tren txikian
azkarrago goaz. (bis)
U. Alberdi:
Dena esana dago
ta hortan igeri.
Guri begira jarri
dira hainbat begi
baina ez da izango
asko ta gehiegi.
Gaurkoa eredugarri
begitandu zait neri.
Beraz bide honetan
segi segi segi!. (bis)
J. Maia:
Denok ulertu degu
daukagun papela
nola banatu behar den
munduko pastela
baina pioneroak
dakar erregela
ta gure Xabier Mikel (1)
bertan dagoela
mila zorion eta
bejondeizuela! (bis)
(1) Xabier Mikel Errekondo Usurbilgo alkateari buruz ari zen.
Hil 2013-09-29
Etxeko eta lagunarteko giroaren eraginez bertsozaletua, 1982an egin zuen bere lehen plaza, Jean Harinordoki "Laka"-k bultzatuta. Laka bera eta Txomin Ezponda izan zituen kantulagun. Bere bertsogintzan Mattin, Xalbador eta Jon Lopategi izan zituen eredu.
Bertsularien Lagunak elkarteko zuzendaritzakidea izan zen 1995 eta 1998 bitartean, 1998an elkarteko lehendakaria izan zen.
Eskertzekoa da Lasarte bertsolari handi eta kantari gustagarriak egin digun Nafarroako bertso doinu askoren ekarpena, euskaldun guztion altxorra aberastuaz.
