Bertsos - View details To know more about this section
2011-09-24 Aizarnazabal Jaialdia [Bertsoa] / Aitor Mendiluze, Iker Zubeldia
| Bertsoa entzun |
2011-09-24 Aizarnazabal Jaialdia [Bertsoa] / Aitor Mendiluze, Iker Zubeldia
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Mendiluze:
Semeek irtetzea
zuten erabaki
ta nola hartu kargu
ume txiki bati?
Barkatu baina haurrak
zurea izaki
markatutako martxan
ibiltzen ez daki.
I. Zubeldia:
Beren txapel ta tanbor
ze irrigarriak!
Plaza erdian daude
dotore jarriak.
Zureak jotzen ditu
zaharraren neurriak
eta nereak berriz
erritmo berriak.
A. Mendiluze:
Normala da erritmo
berriak hartzea
normala da probatu
eta gustatzea
normala ez dena da
aita berdintzea
ta besten danborrean
jotzen aritzea.
I. Zubeldia:
Tanborra hartu eta
tinbili-tanbala
oain hau ta hura gero
ez da hain formala
baina garbi utzi du
ikusi bezala
aitatxoren moduan
sortzailea dala.
A. Mendiluze:
Horrelakorik ezin
desio inori
eskutan zituela
hark bi makil lori
danborra hartu eta
tori eta tori
ia desegin zuen
danbor gaixo hori!
I. Zubeldia:
Bere tanbor ta guzi
bazuen nahiko lan!
Kalera atera da
mutila patxaran
oso alaia eta
argia nola dan
aurki hartuko dute
herriko txarangan.
A. Mendiluze:
Soinugile ona da
gorputzez mardula
danborran faltan ez da
egongo sekula
baina pentsatu horrek
arrisku bat dula
etxean gauza bera
egingo dizula.
I. Zubeldia:
Begira txapelakin
zeinen guapo dagon!
Nahiz orain inork ere
ez egin jaramon
denborak pasatzeak
egingo dio on
Mozarti ere hori
gertatu zitzaion.