Bertsos - View details To know more about this section
2006-07-01 Usurbil Jaialdia [Bertsoa] / Jexux Mari Irazu Muñoa, Jokin Sorozabal
| Bertsoa entzun |
2006-07-01 Usurbil Jaialdia [Bertsoa] / Jexux Mari Irazu Muñoa, Jokin Sorozabal
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
J. Sorozabal: Kaixo amona gaurko honetan
nola degun larunbata
afari on bat preparatzeko
motiborik ez da falta.
Zuk erakutsi behar didazu
neretzako zaila da-ta;
aurrena eosten ze jarri behar da
porrua edo patata?
J.M. Irazu: Lehendabiziko nere biloba
behar da egosten jarri;
irakin on bat emanez gero
badaki denaren berri;
lehenik porrua, gero patata
ta gero nahastu elkarri
baina on-onak jate ezkero
amonangana etorri.
J. Sorozabal: Banekien bai hau ona zala
ez zan besteik sinisterik
baina ez pentsa neure burua
hortaino abandonatzerik.
Zuk ba al daukazu sukaldetikan
katxarroren bat uzterik?
Etxe horretan ez det aurkitzen
mikroondas bat besterik.
J.M. Irazu: Mikroondasak jarri al zaitu
janerako ezinian?
Garai batian gu ez genbiltzan
gaurko modu berdinian;
jana azkarra txarra izaten da
zaude horren jakinian;
itxurazkoak egite ezkero
ekonomikan gainian.
J. Sorozabal: Uda beroa daramagu ta
hori ez da nere plana;
bero hauekin sua piztea
izaten da nahiko lana.
Gero bigarren platera eske
hemen nator zuregana;
ze jarriko det zeozer merkea
ta errez egiten dana?
J.M. Irazu: Espagetiak gauza gehiegi
ez al da amonantzako?
Nik babarrunak ta gixatuak
jo izan ditut ontzako;
nik zer kontseju eman bihar det
nere bilobarentzako?
Lagun koxkorrik ez al daukazu
afaria prestatzeko?