Bertsos - View details To know more about this section
2005-04-02 Zegama Jaialdia [Bertsoa] / Sebastian Lizaso, Iker Zubeldia
| Bertsoa entzun |
2005-04-02 Zegama Jaialdia [Bertsoa] / Sebastian Lizaso, Iker Zubeldia
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
I. Zubeldia:
Kotxe haundi bat erosi nuen
ta badaukat nahiko traba
doscientos veinte-n laster jartzen da
ta ematen dit ikara.
Aita zergatik erosi dedan
esan nahi nizuke hara:
hartara garaiz iritsiko naiz
andragaiaren zitara. (bis)
S. Lizaso:
Zeure ustetan ametsak bete
ta orain zaude konpleto
baina aitaren kontsejuak'e
balio ohi du tarteko;
berrehun ta hogeian kotxea jarri
agian zure kalteko;
barka, azkarregi abitu zera
gerora azkar joateko. (bis)
I. Zubeldia:
BMW, M-3a ta
beti aldarte onean
hamazazpiko llantak jarrita
daukat modu dotorean;
berotu latza ematen diot
Zegamarako bidean;
ondoren jolas egiten degu
kapotan gainekaldean. (bis)
S. Lizaso:
Gazte denboran jolasak amets
ezin daiteke ukatu
baina semea ez al da hobe
tarteka neurriak hartu?
Lehenago ere bat baino gehioi
egin baitzaio gertatu
kruze batean deskuidatu ta
gurutze baten bukatu. (bis)
I. Zubeldia:
Gure aitak'e berriz bota do
egundoko parabola!
Nahi dezun dana esan ezazu
ez dit batere ajola;
beti aguro ibiltzen naiz ni
eta beti edonola
hildakon ere esango dute
behintzat gozatuz zijola. (bis)
S. Lizaso:
Ez da normala zure bizitza
kotxeari eskeintzea;
ez al da hobe inoiz edo behin
frenoa erabiltzea?
Ez da komeni presaka bizi
eta presaka hiltzea
ez al da hobe mantso ibili
eta luze bizitzea? (bis)
I. Zubeldia:
Luze bizitze kontu hori're
esan dezu bapatean.
Etorkizuna iluna degu
gazteantzako kaltean
ahal detenean bizi nahi nuke
oso aldarte onean;
aprobetxatu egin behar da
gazteak geran artean. (bis)
S. Lizaso:
Gazte zera ta dezu burua
zuk asentatu beharra;
kotxearekin azkar bazoaz
zai egoten da radarra.
Sasoiko zaude ta gorputzean
soberan dezu indarra
bizikleta da abiaduran
mugarik ez dun bakarra. (bis)
I. Zubeldia:
Gaur aita kontra jarri zait eta
eraman deten txaskoa!
Gehientsunetan pasatu ohi det
ciento veinte-ko arrastoa
baina honekin ez daukat lagun
giroa eder askoa;
kapoten dauzket hirurehun zaldi
eta etxean astoa. (bis)
S. Lizaso:
Konparaketak hainbeste klase
heldu zaizkizu burura;
hirurehun zaldi zuk kapotean
eta ez zaizu ardura
ta asto batek bestearekin
aita-semean lotura
asto ta erdi izango al da
gidari dijoan hura?(bis)