Bertsos - View details To know more about this section
2007-08-07 Gasteiz Jaialdia [Bertsoa] / Jon Maia
2007-08-07 Gasteiz Jaialdia [Bertsoa] / Jon Maia
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Pentsatu ere ez nuen egin
hain destinu okerrean
nere gorputza sentitzen nuen
sasoian ta indarrean.
Positiboa eman dut orain
mundu guztian aurrean
dela aste bat "Animo Iban!"
ta bultzadak bizkarrean
eta gaur berriz hiltzen utziko
ninduketen bazterrean. (bis)
Azken urteetan sentitu izan dut
zale gehienen eupada
esan bezela orain ordea
sentitzen dut ostikada.
Ez dakizue zein exijente
izaten den tenporada!
Beti emaitzak ta esponsorrak
presioa hona, hara;
dagon drogarik txarrena beti
irabazi beharra da. (bis)
Ta ez pentsatu orain nik ere
barrenean daukat pena
zulo beltzean sartuta nago
infernuaren hurrena.
Orain badakit zale guztiek
gorrotatuko nautena
nik onartzen dut neure akatsa
hipokresi nabarmena
onartuko det neurea baina
zuek onartu zuena. (bis)