Bertsos - View details To know more about this section
2008-02-29 Azpeitia Sariketa [Bertsoa] / Beñat Gaztelumendi, Alaia Martin
| Bertsoa entzun |
2008-02-29 Azpeitia Sariketa [Bertsoa] / Beñat Gaztelumendi, Alaia Martin
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
A. Martin: Gazteok beti izaten dugu
parranda nahi eta amets
baina patrikak maiz ez du ematen
behar dugun beste babes.
Zurekin joan nadin ez zazu
berriz eskatu mesedez!
Parrandarako dirua badut
baina indarrik jada ez.
U. Gaztelumendi:Zure egoera entenditzen det
egiya garbi esanda
baino eman dezun arrazoi hori
triste xamarra izan da.
Indarrikan ez daukazulako
zertako utzi parranda?
Indarrak bela etortzen dira
hiru kubata edanda!
A. Martin: Ez duzu asko behar zuk Unai
umore onez jartzeko
ta gutxiago zuk ez daukazun
diru hori eskatzeko.
Estuasunean ipini nauzu
egi dena aipatzeko.
Egia esan ez dut indarrik
zu mozkorra aguantatzeko.
U. Gaztelumendi:Ordun ez dezu nekin juan nahi
mozkortuko naizelako
ta nagusiyak zuri patrikak
utzi omen dizkizu plako.
Parrandarako gogoa dezu
beraz atera beharko
nere moduko nagusirikan
ez dago parrandarako!
A. Martin: Hortan arrazoi pixkat baduzu
behintzat Unai beharbada
baina mozkortu ta mingainean
baduzu hainbeste traba.
Nagusi gisa jarduten zara
esaten duzun erara
bere burua esplotatzen dun
nagusi bakarra zara.
U. Gaztelumendi:Parrandarako ez baitet galtzen
tokatzen bada aukera
eta parrandan juan nahi bada
ateratzea hobe da.
Nahi baldin ba'ezu geratu etxean
baino ikusiko gera:
bai, zu lanera zuazenian
juango naiz ni etxera.