Bertsos - View details To know more about this section
2002-11-08 Ataun Jaialdia [Bertsoa] / Mikel Mendizabal, Iñaki Murua
| Bertsoa entzun |
2002-11-08 Ataun Jaialdia [Bertsoa] / Mikel Mendizabal, Iñaki Murua
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Mendizabal:
Lertxundik dion kantu batean
galdera ugari dago:
zenbat gera gu? Bat, hiru, zazpi,
bi, lau, bost edo auskalo...
Iparralde ta Nafarroakin
edo soilik Vascongado.
Dudarik ez da gu bagerala
dioten baino gehiago
bainan tamalez behar genukeen
baino askoz gutxiago. (bis)
Murua:
Gu zenbat geran jakiten zail da
hain gabiltz exkax ta ñaño!
Eta etsaiak hola gaitezen
jartzen du hainbat enpaino.
Asmatu ezinak ekarri gaitu
oraintxe geraneraino:
elkartasunik ezak sortzen du
hainbat traba eta laino.
Gutxi batuta gehiago dira
asko banatuta baino. (bis)
Mendizabal:
Gure Juan Joxek erkidegoan
zabaltzen du albistea.
Aznarrentzako ez gera ezer
nahiz zaila den sinistea.
Gibraltarreko azken berria
ez degu berri tristea.
Nik eskari bat soila dadudat
oso eskari sinplea:
nahi degun hura izan gaitezen
erabakitzen uztea. (bis)
Murua:
Nahi degun hori ez dakigu ta
ezin degu erabaki
batzen hasita berehalaxe
erdi-erditik ebaki.
Itxura eiteko jartzen diogu
makina bat adabaki!
Martxa honetan, o euskaldunok
ez degu behar edarki!
Zer den ahaztu duen herriak
zer izan nahi dun ez daki. (bis)