Bertsos - View details To know more about this section
2003-03-08 Arrasate Jaialdia [Bertsoa] / Ainhoa Agirreazaldegi, Jon Maia
Bertsoa entzun |
2003-03-08 Arrasate Jaialdia [Bertsoa] / Ainhoa Agirreazaldegi, Jon Maia
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
J. Maia:
Begia ubelduta
kontu bat bitarte
zerbait pentsatzeraino
bizkor naramate.
Senarra badaukazu
hori zure kalte
eskaileran aitzakiz
ez sinistu bat'e
eskailera horiek
ze izen daukate?
A. Agirreazaldegi:
Izen ta abizenak
nahi dituzu jakin
eta nik izkutatzen
hainbeste ahalegin
bihotzean dadukat
begian aina min
zuri esanda ere
berriz nago berdin
mesedez ez zaidazu
galderarik egin!
J. Maia:
Ez dezu nahi ikusi
kolpeen tamaina
bat gogor jo dizute
bai kolpe bikaina!
Hori al da mutilen
lehenengo azaina?
Begia ubelduta
daramazu baina
ez luke izan behar
itsutzeko aina.
A. Agirreazaldegi:
Beste jende asko da
nere antzekoa
eta nirea ez da
aintzat hartzekoa
gizarteko jarrera
dugu hutsekoa
eta arazoa da
gure mundukoa
hola konponduko da
nere etxekoa.
J. Maia:
Horrela konpontzea
dituzun ametsak
ta bien bitartean
bi begiak beltzak
etikak ere noski
ditu bere ertzak
salatu zazu gogor
ta ez hartu aintzat
izan zaite eredu
beste guztientzat!
A. Agirreazaldegi:
Salatu nitzakeen
hemengo ta hango
barruan izan badut
salaketa frango
baina oraingoz ez dut
ezertxo esango
nere senarrarekin
sentitzen naiz ondo
agindu dit berriro
ez duela egingo.
J. Maia:
Hori esanda nola
zabiltza lasaio?
Kalean dabil hainbat
giza txar arraio
kolpez egingo ditu
berriz mila saio
nahiz ta senarra izan
nahiz ta garbi jaio
kabroiari kabroia
esan behar zaio!