Bertsos - View details To know more about this section
1998-10-03 Urnieta Jaialdia [Bertsoa] / Xabier Amuriza
Bertsoa entzun |
1998-10-03 Urnieta Jaialdia [Bertsoa] / Xabier Amuriza
Stanza name:
KOPLEN MULTZOA
Localization:
XDZ - Xenpelar Dokumentazio Zentroa
Neure Etxanoko auzuna
gogoratu didazuna; (bis)
mutil koskorra hamar urtekin,
ez nuen gogo lizuna;
hantxe aurkitu ta galdu nuen
nere lehen maitasuna. (bis)
Bera joan zen urrutira,
ni konbentuko argira. (bis)
Geroztik ez dut berriz ikusi,
urte pila joan dira;
bizi bazera galdetzen dizut:
ene maitia nun zira? (bis)
Ene Rosarito aizu,
nere berri al dakizu? (bis)
Nik aurkitu det nere maitea,
zuk ere aurkitu al dezu?
Galdetzen dizut: bizi al zera
ni naizen bezain dohatsu? (bis)
Berrogei ta hamar urtera
tarte batetik bestera. (bis)
Ene maitea nun zira baina,
heldu naiz orain eskera;
esan nun bizi zeraden eta
joango naiz ikustera. (bis)