BDB Bertsolaritzaren datu-basea

General information

Kategoria

Bat-batekoa

Performance

1996-08-30 Donostia Jaialdia

Conductor

Madariaga, Joxepa

Bertsolaris / Authors

Egaña, Andoni

Sorozabal, Jokin

Exercise

Binaka gaia-emanda

Proposed topic

Andoni, zu gorra zara nahi duzunean, nahi duzuna bakarrik entzuten duzu; zu, Jokin, mutua zara nahi duzunean, nahi duzunean bakarrik hitz egiten duzu. Nola moldatzen zarete lagun artean?

Description

Stanza name

Hamarreko txikia (hg) / Bost puntuko txikia (ip)

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

1996-08-30 Donostia Jaialdia [Bertsoa] / Andoni Egaña, Jokin Sorozabal

Stanza name:  Hamarreko txikia (hg) / Bost puntuko txikia (ip) 
Localization:  XDZ - Xenpelar Dokumentazio Zentroa 

---

Egaña:
Geure topalekua
taberna bat xaharra,
musikak izaten du
egundoko indarra;
bestetik plateria
ta hitzen marmarra,
hara hiru hitzetan
nire zoritxarra:
elkarrizketa beti
neuk hasi beharra. (bis)

Sorozabal:
Alde zaharrean degu
gaurko berriketa;
hemendik aterata
jo izkinan buelta,
aurreraxeago jarri
behar dezu arreta,
taberna bat dago han
neskatxez beteta.
Non ez dizut esango
gogoik ez det-eta. (bis)

Egaña:
Hotzak baldin bazaude
ateik ez iriki
eta mostoa edan
poliki-poliki.
Euskal jaietan ados
ez negok, haizak, hi!
Indurain aurten ez dek
ibili ederki.
Ai, neskatxen taberna
nun dagon baneki! (bis)

Sorozabal:
Lehenengo esan dudana
entzun dezu ondo,
elkarrizketan ez det
amore emango.
Zu baino alperragorik
ez da inor izango;
entzun nahi ez dezunik
ez dezu entzungo,
baina igual entzutean
ez zera joango. (bis)

Egaña:
Adiskide bihurtu
halakoren baten;
honen ahotik ezin
gauz zuzenik irten.
Zer esan behar duen
zaila da jakiten,
behar dunean ez du
deus ere esaten
ta hurrena ez daki
isilik egoten. (bis)

Sorozabal:
Hemen nago aurpegiz
berari begira,
ulertu ezinik bada
hainbat tira-bira;
erdia entzuten du,
ulertzen hasi da.
Honekin elkartzeak
nahiko latzak dira;
hitz egin beharko diot
beste belarrira. (bis)

Egaña:
Txikiteoan gabiltz
Donostin barrena,
belarri batetik ta
bestetik hurrena.
Nik entenditzen diot
komeni zaitena
ta berak kontatzen du
berak nahi duena;
adiskide izateko
erarik onena. (bis)

Sorozabal:
Horrela erreza da
lagun bihurtzea
eta kalean lasai
elkar agurtzea.
Orain tokatzen zaizu
neri adi jartzea
eta esandakoa
gogoan hartzea:
zuri tokatzen zaizu
ronda hau ordaintzea. (bis)

Egaña:
Nahiz adiskide izan
gabiltza aldrebes;
ronda ordaintze hori
neri derrigorrez.
Ezker belarri hori
urrundu mesedez;
hemendik ezin nuna,
hemendikan errez.
Nerea konpondu da,
baina zurea ez. (bis)

Sorozabal:
Zure arazo hori
joana izanik,
nere hau konpontzeko
ez al degu lanik?
Badakizu ordaindu
beharra dezunik.
Beti ez du ordaindu nahi,
ez du hortako planik,
badaezpada beti
esaten diot nik. (bis)