Bertsos - View details To know more about this section
2012-05-05 Lasarte-Oria Jaialdia [Bertsoa] / Maialen Lujanbio
Bertsoa entzun |
2012-05-05 Lasarte-Oria Jaialdia [Bertsoa] / Maialen Lujanbio
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
Zuk oparitu nahi zenizkion
belarritakoen printzak
zuk nahi zenuen barbiak jantziz
loratzea bere ditxak.
Beti ez dira zuzen irteten
aita ta amen plangintzak.
Alabak kontra eta alperrik
zure hezkuntza langintzak.
Botea holaxe ematen dute
baloiek eta bizitzak. *
Etorkizuna zer izango dan
sekula ez da jakiten.
Ai! Ama horren dotoreari
holako alaba irten!
Ta zenbait ama ipintzen dira
igual sutan irakiten
baina rugbian ikasiko du
ta ez ilusiorik ken
taldekoekin elkarlanean
eta aurrera egiten.
Hain zabala da etorkizunak
ditun aukeren tamaina!
Lehen bizitzak diseinatuak
nahiz zeuzkaten alajaina
kontuak pranko aldatu dira
ez gaitezela engaina!
Gazteek libre begiratua
gorputza eta mingaina.
Zorionez amek ez dute agintzen
eurek nahi luketen aina.
* Errugbiko baloia lurrera erortzen utzi du, azken puntua kantatzearekin batera.