Bertsos - View details To know more about this section
2012-09-13 Bermeo Jaialdia [Bertsoa] / Uxue Alberdi, Arkaitz Estiballes
| Bertsoa entzun |
2012-09-13 Bermeo Jaialdia [Bertsoa] / Uxue Alberdi, Arkaitz Estiballes
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
A. Estiballes
Rottweiler baltz-baltza da
galdu dot oreka
salto bat egin eta
heldu daust brageta.
Kendu eiztazu hemendik
eta emon buelta
igual denboreagaz
gustau eingo jat ta. (bis)
U. Alberdi
Ez dit kasurik egin
nahiz nik deitu bizkor
orain artean ez du
erasotu inor
baina goseak dago
igual jo du gogor
txorixo muturren bat
sartu al duzu hor? (bis)
A. Estiballes
Ba bai zentimetroak
dauzka hogeita lau
txakurrak hartu aurretik
ere egin du "Guau"
baina hurrengo baten
hobeto amarrau
ze holan jotzen dotset * ta
gehiau estutzen dau. (bis)
U. Alberdi
Neurria entzun dut ta
sentitu naiz gaizki
hoita lau zentimetro
baina egiazki?
Bueno koxka hor ekin
kendu horri zazpi
ta hamazazpirekin
ez al duzu aski? (bis)
A. Estiballes
Aski izan lei baina
hau da hau pastela!
Esaera batek be
ei dino horrela:
txakurrak ta jabeak
antzekoak direla
esperantza dot gero zeu
helduko zarela. (bis)
U. Alberdi
Nik nahi nuen muturra
horrantza zuzendu
baina kale erdian
ezin nabarmendu.
Ehiza txakurra da hau
ez zazu atzendu
ta ni lotsatzen banaiz
berak ehizatzen du. (bis)
A. Estiballes
Txakurra da altua
hau ez da bajua
"Grrr grrr" egiten hortxe
jabil ta gajua
jo ba gaur ehizatu dau
nire mondejua
ia noiz ehizatzen dauen
zure konejua. (bis)
U. Alberdi
Ondo igertzen zaizu
Bermioko kasta
zauria egin eta
hark zaurian hazka
baina berdetzen goaz
ja basta ja basta
txakurra ta untxia
etxera goaz ta. (bis)
* Jotzeko keinua egin du.