BDB Bertsolaritzaren datu-basea

General information

Kategoria

Bat-batekoa

Performance

2012-11-02 Ermua Jaialdia

Gai-emailea

Goikoetxea, Josu

Bertsolaris / Authors

Colina, Sustrai

Elortza, Igor

Exercise

Binaka gaia-emanda

Proposed topic

Alfa da Eibarko enpresa bat, orain kinka larrian dagoena. Zazpiehun-zortziehun langile daude kaleratzeko arriskuan, eta horien artean ermuar asko. Zuek zarete langile horietako bi, eta atzoko egunez kokatuko ditugu gure buruak; izan ere, partida izan zen Ipuruan, Eibar eta Athleticen artean. Zuek hor zaudete pankarta baten atzean, Ipuruaren atarian, partida hasieran, eta ikusi duzue Athleticeko autobusa etortzen.

Description

Melody

Hirurogeita beatzi urte

Stanza name

Zortziko handia (hg) / Lau puntuko handia (ip)

Bertso kopurua

8

Localization

Localization

XDZ - Xenpelar Dokumentazio Zentroa

Collection / Fond / Project

Bapatean Bilduma

2012-11-02 Ermua Jaialdia [Bertsoa] / Sustrai Colina, Igor Elortza

Stanza name:  Zortziko handia (hg) / Lau puntuko handia (ip) 
Localization:  XDZ - Xenpelar Dokumentazio Zentroa 

---

S. Colina

Ipuruaren atean gaude
gu gure pankartarekin
besterik ez da irtenbideai
nahi geniolako ekin.
Llorente eta Muniain pasa
dira euren poltsarekin
eta kabroiek ez digute ba
begiratu ere egin.

I. Elortza

Autobusean doazenena
bizitza ederra omen
geuk ere hoixe amesten gendun
nagusi egin baino lehen.
Llorente eta Muniainekin
Susaeta be hor zegoen
eskolan geugaz hasi zen eta
begiratu nun dagoen.

S. Colina

Hemen urteak pasatu ahala
hartu ohi denez nibela
Markel ari da hoberenekin
gu hemen gerlarik gerla.
Puto kasorik ez dute egiten
lehen esan dudan bezela
ta okerrena da egun osoan
eurei begira gaudela.

I. Elortza

Partiduaren aurretik emon
gura guk Alfaren parte
geure aurretik pasatu dira
herrikide zein alkate
oihu egiteko ez dot indarrik
zelan deitu ba nazkante?
Geuk ere berdin egiten gendun
ointxe urtebetera arte.

S. Colina

Baina estutzen ari ginela
pankarta edo kartela
aurrean Bielsa gelditu zaigu
ezin zitekeen bestela
ta esan digu "Benga karajo!
Eutsi goiari kauenla!"
Antzematen da bera're laister
parora joango dela.

I. Elortza

Bere ejenpluaz hartu dogu guk
indar eta abildade
partidu honetan Alfaren barri
egongo da bai halan be
Athletic gola sartuta biok
pankartagaz parez pare
baina duda bat etorri jata:
golik sartuko ete dabe?

S. Colina

Gu pankartaren atzean gaude
berriketan hitz eta pitz
ta bitartean gure aurretik
pasa dira izen anitz.
Golik ez dute sartuko edo
sartuko dituzte berriz
nahiago nuke gurea ere
enpate izango balitz!

I. Elortza

Nik ez dakit ba enpaterako
ba ete dogun nibela
patroiak dino geroago ta
beherago goazela.
Hau paradoja nire esperantza
futbolean dagoela:
badaezpada zapaturako
eginda daukat kiniela.