Bertsos - View details To know more about this section
2013-09-07 Donostia Jaialdia [Bertsoa] / Sustrai Colina, Unai Iturriaga
Bertsoa entzun |
2013-09-07 Donostia Jaialdia [Bertsoa] / Sustrai Colina, Unai Iturriaga
Stanza name:
Zortziko handia (hg) / Lau puntuko handia (ip)
Localization:
XDZ - Xenpelar Dokumentazio Zentroa
U. Iturriaga
Kosziente gara sinisten dugu
egunaren garrantzian
borondatez ta konbentzituta
gabiltza ta ez etsian.
Zu Katalunia iparraldera
zaude ezin iritsian
eta nik ze gogoa hanka sartzeko
une batez Valentzian.
S. Colina
Bi hoietara ailegatzen da
gure banderan itzala
bestela nekez batuko ginen
gaur batu garen bezala.
Eutsi eskuei ta bihar goizen
El Mundok jarri dezala
Espainiatik hanka egiteko
eskuz esku gabiltzala.
U. Iturriaga
Horrela bada seinale dugu
gabiltzala oso ondo
zezen larruak ez du luzaro
ondo josita iraungo.
Geure artean ere ordea
gabiltz hemengo ta hango
ia beldurrez gaude egunero
Masek bihar zer esango.
S. Colina
Egia da bai hitz baten beha
hotzikaretan gabiltza
zoritxarrean horrelakoa
baita politikagintza
baina zuk paso egin ezazu
eutsi gogor nere gisa
eta ez zazu sekula ahaztu
herriak duela hitza.
U. Iturriaga
Herriarena erakundea
egin behar du orain bere
nork uste zuen hau pasatzerik
ta ez orain hiru mende?
Zu iparrean ta ni hegoan
joaten hasiak gaude
sagardoa eraten ariko dira
euskaldunak orain ere.
S. Colina
Nik jokaldia ikus dezaket
Barçakoaren antzeko
Piquek baloia hartu du eta
hiru regate paseko
ondoren Xabik gero Iniestak
hiru regate ertzeko
orain Messi bat falta da hemen
jugada rematatzeko.