Bertsos - View details To know more about this section
Arrakala proiektua [Bertsoa] / Maddi Ane Txoperena
Arrakala proiektua [Bertsoa] / Maddi Ane Txoperena
Stanza name:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2014-05-04
Localization:
XDZ - Xenpelar Dokumentazio Zentroa
Haitz batean jaio nintzen
zurrunetan zurrunena
mugak eta oinarriak
finkatuak dituena
bizitza baten ildoa
bihurtu nahirik eskema
batzuentzako patua
besteentzako kondena...
Baina hain kaotikoa
da gehiegizko ordena,
non arauturiko hori
bilakatzen den problema.
Hala, zirrikitutxo bat
edo haitzaren etena
deskubritzen dugunean
aldatu daiteke dena.
“Noiz ekarriko diguzu
mutil-laguna etxera?
Zenbat seme ta alaba
izan nahi duzu denera?”
Horrelakoak entzuten
joaten garen arabera
guk sentitzen dugun hori
joan daiteke gainbehera.
Zeren, non daude desira,
askatasuna, aukera?
Non diseinatu gabeko
mila bizitzeko era?
Zergatik ezin ditugu
zirrikitutik atera
erantzun huts bakoitzetik
bertze hainbertze galdera?
Galdera berri bakoitza
da guretzat Arrakala:
Zer den heteroaraua
zer sexu ta zer normala,
zer familia nuklear,
zer heterosexuala,
zer guzi hortatik kanpo
dagoen zelai zabala...
Nahiz eta ez dugun hartu
bat’e erronka makala
guztiok jarri dezagun
gure nahia, eginahala.
Haitzak mila pitzaduraz
eztanda egin dezala,
bakoitza bizi gaitezen
guk nahi genukeen bezala.