Bertsos - View details To know more about this section
Paseoan [Bertsoa] / Peru Vidal
Paseoan [Bertsoa] / Peru Vidal
Stanza name:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2014-01-28
Localization:
XDZ - Xenpelar Dokumentazio Zentroa
Txubaskeroa, kirol-txandala
eta zapatilak jantzi,
sofatik altxa, etxetik irten
hondartzaraino iritsi.
Indarrez aurre eginez hainbat
eta hainbat egun grisi
hotz handiei, haizeteei
eta hamaika ekaitzi
eguneroko paseo gabe
ezin naizelako bizi.
Erritmo ona hartuta goazen
itsas bazterretik sutsu
kirol portutik Portu Zaharrera
joaten naiz pozik usu.
Kresal usaina, edertasuna
eta indarra dituzu
Itsasoari begira noa
aurrerantza pausuz pausu
nahiz egunero etortzen naizen
beti liluratzen nauzu.
Ohiturak gauza ederra dira
ta ederrena hauxe da,
eguraldia lagun edo ez
baina gu paseatzera
ordubeteko ibilaldia,
goxatu eta etxera.
Atzo etorri nintzen eta gaur
etorri naizen antzera
bihar berriro etorriko naiz
gehiago liluratzera.