Bertsos - View details To know more about this section
2016-12-17 Bilbo Txapelketa [Bertsoa] / Ibon Ajuriagojeaskoa
| Bertsoa entzun |
2016-12-17 Bilbo Txapelketa [Bertsoa] / Ibon Ajuriagojeaskoa
Stanza name:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localization:
XDZ - Xenpelar Dokumentazio Zentroa
Hogeita hamar urte dodaz
juerga egitea hoba
gaur ere etorri gara
gure taberna zulora
komun barruan sartuta
orain nork urten kanpora
ez naz askorik harritu
hau normala izango da
lagun bat hor etorri jat
bere txartelaz ondora
hogeiko ruloa egin
ta marra sudur zulora
gero tenplau geratu da
niri begira gustora
kokaina bihurtu da
egungo esnoben droga (bis)
Gogotsu baegozala
hasieratik dot igarri
bakarrik ez dira izaten
garagardoen egarri
eta beste mundu horrek
be egin dabe erakarri
poltsa baten hiru gramo
gaur ere dabe ekarri
eta hori bihurtu da
orain juergaren oinarri
horren kontra nik ez daukat
aspaldi hainbat aldarri
eta hementxe nago zain
egoera ez da barri
bueno, probatuko dot
niri txikiena jarri (bis)
Lehen aldia izango da
hori neuk ere badakit
ta probatu egingo dot
ezetz galdetu zergatik
agian maila berean
gabaz ibiltzeagatik
adiskidetasuna ta
datorren parrandagatik
nahiko pikaro gabiltza
hementxe gabizenetik
eta lagunak ez dodaz
kenduko aldamenetik
euforia izango al dot
gero barren barrenetik?
Danetik probau behar da
txarretik eta onetik (bis)