Bertsos - View details To know more about this section
2016-02-19 Donostia Jaialdia [Bertsoa] / Maialen Lujanbio
| Bertsoa entzun |
2016-02-19 Donostia Jaialdia [Bertsoa] / Maialen Lujanbio
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
J.L. Urdangarin
Azken aldiz noiz jantzi
zenuen mantala
M. Lujanbio
uste det gaur eguerdin
bertan izan dala
oilasko bat errea
xumea, apala
gauz xumeenak bezela
zegon mundiala.
J.L. Urdangarin
Jana zer da beharra
edota plazerra?
M. Lujanbio
Ez daukanarentzako
hura lortzen gerra
daukanarentzat berriz
pasarte alferra
apreziatzen dunantzat
gustua ederra.
J.L. Urdangarin
Amaren arrain-zopa
edo chef batena?
M. Lujanbio
Etxetik kanpo ez det
sarri jaten, pena!
Gainera deitzen zaio
maiz marisko krema
nik nahio arrai-zopa
gure amarena.
J.L. Urdangarin
Michelinen izarrak
zuretzat zer dira?
M. Lujanbio
Zergatik esan dezu
gerrira begira?
Batzutan egiten det
Artzakera jira
hobe mitxelin denak
haienak balira.