Bertsos - View details To know more about this section
2016-04-03 Zegama Jaialdia [Bertsoa] / Miren Amuriza, Andoni Egaña, Oihana Iguaran, Iker Zubeldia
| Bertsoa entzun |
2016-04-03 Zegama Jaialdia [Bertsoa] / Miren Amuriza, Andoni Egaña, Oihana Iguaran, Iker Zubeldia
Stanza name:
Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Localization:
XDZ - Xenpelar Dokumentazio Zentroa
I. Zubeldia
Ametsak bete daitezen
behar da borondatea
nahiz bertsolari bezela
izan degun guk artea
nik betidanik maite izan det
sake eta rematea
eta ametsik frustratuna det
pelotari ez izatea.
M. Amuriza
Plazak maite-maite ditut
eta beraz ezin uka
berriz jaioko banintza
hemen nahi nukeela buka
gai jartzailea izango nintzen
horrek bentaja bat du ta:
plazan berdintsu nenbilke eta
gutxiago sufrituta.
O. Iguaran
Iker pelotero zera
ta horrekin konformatu
Miren zu izan zaitezke
gai jartzaile ta famatu
nik bi horiek ta beste asko
nahiko nituzke probatu
bertsolari naiz momentuz baino
ez det ezer deskartatu.
A. Egaña
Ba nik errepasatu det
ofizioen zerrenda
taxista izan nahi nuke
barru-barrutik irtenda
bertsolaria irtisten da ta
lanean hasten da benga!
Eta taxisten lana ordea
iristean bukatzen da.