Bertsos - View details To know more about this section
2016-04-29 Altzo Lagun-artekoa [Bertsoa] / Miren Amuriza, Xabier Amuriza
| Bertsoa entzun |
2016-04-29 Altzo Lagun-artekoa [Bertsoa] / Miren Amuriza, Xabier Amuriza
Stanza name:
Hamarreko handia (hg) / Bost puntuko handia (ip)
Localization:
XDZ - Xenpelar Dokumentazio Zentroa
M. Amuriza
Zalantza gabe gaurko saioa
izan da oso espeziala
hasi orduko esan du aitak
hau amaiera bat zala.
Nik berriz jarri dut hasera bat
ta geroaren itzala.
Nolanahi ere seguru nago
gogoratuko garala
eta bakoitzak nahi duen eran
interpretatu dezala. (bis)
X. Amuriza
Azkena dala hala ere hemen
ez det itxiko aterik
ez daukat noski bizitza hontan
esteko borondaterik.
Ez nuen uste azken saio hau
Altzo hontan izaterik.
Eskerrik asko bihotz bat eta
esku parea beterik
topiko handi bat dala badakit
baina ez dago besterik. (bis)
M. Amuriza
Zentzu onenean baina bihotza
gaur zatituta daramat
txataltxo bat du hemen elkartu
zaigun entzule bakanak
beste txatal bat darama aitak
ta noski beste bat amak.
Plazer handi bat izan da dena
isildua ta esanak.
Bihar esango dizkizut hemen
aitortu ez dizkizudanak. (bis)