Bertsos - View details To know more about this section
2016-04-02 Gabiria Sariketa [Bertsoa] / Unai Mendizabal, Haritz Mujika
| Bertsoa entzun |
2016-04-02 Gabiria Sariketa [Bertsoa] / Unai Mendizabal, Haritz Mujika
Stanza name:
Zortziko txikia (hg) / Lau puntuko txikia (ip)
Localization:
XDZ - Xenpelar Dokumentazio Zentroa
U. Mendizabal
Edan ditu sei kafe
edan du Red Bulla
bateko atxisa ta
besteko eztula…
Esaidazu faborez
ta ez disimula
mobila bibrazion
jarria dezula.
H. Mujika
Holakuak tokatu
ohi dira tarteka
aurrez egin dizkizut
hogei azterketa
ta orain ni ere nago
dardarez beteta.
Lasai zaitez urduri
jartzen nauzu eta.
U. Mendizabal
Eskuak dar-dar, dar-dar
erdi basapizti
nere odoleko datu
guztiak dakizki.
Baina utzi itzazu
lau bisturi izpi
zeren egia esan
ez nago hain gaizki.
H. Mujika
Ondo ere ez zaude
zure min eta gaitz
sendatzeko oraindik
bagabiltza garaiz.
Erantzukizun latza
izaten degu maiz
hiltzen bazera`re ni
enteratuko naiz.
U. Mendizabal
Bazpa’re prepatuta
dauka furgoneta
kamillan geatu ezkero
bazpa’re zer gerta
beste baten eingo det
gela honta buelta
Cola Cao gosalduta
etorri naiz eta.
H. Mujika
Denek entzungo zuten
zure garraxia
orain honek ez al du
lehengo garrantzia?
Askoz hobia dezu
orain ixiltzia
hobia baita tripa
beteta hiltzia.