2017-11-01 Irun Txapelketa [Bertsoa] / Unai Agirre Goia, Aimar Karrika

Aimar, bazkaltzera joan zara Unairen jatetxera. Ekarritakoa ona ez zegoela eta, kexatu egin zara. Unaik arazorik gabe atera dizu beste plater bat. Bazkariko kontua ekarri dizunean, ikusi duzu bi platerak kobratu dizkizula.

Description

Melody

Gizona da zoroa

Stanza name

Zortziko txikia (hg) / Lau puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2017-11-01 Irun Txapelketa [Bertsoa] / Unai Agirre Goia, Aimar Karrika

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

A. Karrika:
Lehenik pasatu xamar
zen zure txistorra
ta bigarrena ere
ai nahiko gogorra!
Faktura ikusita
ohartu naiz horra
txistorra zinez dela
errepikakorra. (bis)

U. Agirre:
Hemen txistorrak badik
bere garrantzia
ez dek normala neri
jarri diaken trantzia.
Ez dek gauza berdina
ez izan ahantzia
txarra egotia ta
hiri ez gustatzia. (bis)

A. Karrika:
Nik edozer jaten dut
gustoz ta gustura
gaur ez dut maitatu ez
hau, ezta ere hura.
Gustoz biziko zara
zu nire kontura
tripen barruan ere
damakit faktura. (bis)

U. Agirre:
Gazte jende honekin
hamaika endredo
barrua eraman nahi
du etxera bero.
Ni tontua naizenik
ez zak hik espero
“Txarra dago” esan dek
bukatu ta gero. (bis)

A. Karrika:
Abila izatea
deitzen zaio horri
zure fakturak ere
hori du jatorri.
Jatetxea jarriko dut
nik biziki gorri
beste lagunik hona
ez dadin etorri. (bis)

U. Agirre:
Edozein horren gaizki
nik ez dit serbitzen
barkatu baina ez nauk
gaur ondo sentitzen.
Igual dirurik gabe
etorriko hintzen
nahi badek ordaindu zak
platerak garbitzen. (bis)

BDB Bertsolaritzaren datu-basea

Bertsos - View details To know more about this section