Bertsos - View details   To know more about this section

2017-12-02 Iruñea Txapelketa [Bertsoa] / Alaia Martin

Bertsoa entzun  

General information

Kategoria
Bat-batekoa
Periodical Performance (Saioarena)
Bertsolari Txapelketa Nagusia (17. 2017)
Performance
2017-12-02 Iruñea Txapelketa
Conductor
Gai-jartzaile Taldea
Gai-emailea
Rekondo, Alaitz
Bertsolaris / Authors
Martin, Alaia
Exercise
Bakarka gaia-emanda kartzelako-lana
Proposed topic
Ezkutatu egin zara ikusi ez zaitzaten.

Description

Melody
Doinu honen izena da
Stanza name
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Bertso kopurua
3

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2017-12-02 Iruñea Txapelketa [Bertsoa] / Alaia Martin

Stanza name:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Localization:  XDZ - Xenpelar Dokumentazio Zentroa 


Mikeli belarritatik
nola egin diodan tira
eskolatik bota naute
behartutakoa pira.
Etxera sartu naiz eta
sukaldearen erdira
heldu ta ahots ozen bat
hona iristen ari da
ama eta aita dira
ta beraz alternatiba
ezkutatzea soilik dut
senti dezaten gupida.
Gorde naiz gorde nahiean
nire begien distira
mahai azpian nago eta
karraxika ari dira. (bis)

Oihuak dira aspaldi
etxeko soinuen parte
“Zer zenbiltzan tabernetan
zeure etxetik aparte?”
Ez dago aski sosegu
ez daukagu aski bake
eta mahai azpi hau daukat
beltzaren eskaparate.
Kolpe bat entzun dut eta
gero berriro atake
egin du aitak amatxo
lurrean birrindu arte.
Nahiz haurrei esaten zaien
“Isilikan egon zaite”
aspaldi uste dut aitak
ez duela ama maite. (bis)

Mahai azpi estu hau utzi
dut azkenean ze sala
bihurtu da azkenean
gerragune printzipala.
Dardarka altxatu gara
ni eta gero itzala
badakit ta aspaldian
gertu xamar gabiltzala.
Ama ezkutatu egin da
aspaldian ni bezala
begien urdin haretan
soilik baitauka kresala
baina oraintxe egingo dut
nire agerpen kolosala
ta ausardiarik badu
ni akabatu nazala. (bis)