Nere Agurra! [Bertsoa] / Iñaki Eizmendi "Basarri"

Bertsos - View details To know more about this section

General information
Transcription
Document

General information

Kategoria

Ez bat-batekoa

Bertsolaris / Authors

Eizmendi, Iñaki "Basarri"

Description

Title: Nere Agurra!
Dokumentuan jasotako izenburua: ¡Nere Aguŕa!
Dokumentuan jasotako bertsoaren hasiera: Agur Jaun andre leialak
Signature: Eizmendi'tar Iñaki "Basarri"
Date: 1940-00-00
Bertso kopurua: 15
Bertso dokumentu mota: Eskuizkribua

Content

Interneten

http://www.culturanavarra.es/uploads/files/Apendice_Fagoaga.pdf

Document

See xdz5_btx_001118.jpg

Edukiari buruz

People

Fagoaga, Isidoro

Localization

Localization: XDZ - Xenpelar Dokumentazio Zentroa
Originala / Kopia: Copy

Nere Agurra! [Bertsoa] / Iñaki Eizmendi "Basarri"

Dokumentu-mota: Eskuizkribua
Localization: XDZ - Xenpelar Dokumentazio Zentroa

1
Agur Jaun andre leialak
Agur, eta.... ¡ongi etoŕi!
Euskeraren iŕi goxo bat
eskeintzen dizutet danori.

2
Zer pozkida eztu sentiko
izkuntz amak bere barnean,
Bera goraldu ta aupatzeko
ola biltzen geranean?

3
Guri dagokigu, amatxo
benaz, gogoz, aupatzea
Bere semeak maite ezean,
nork nai dezute maitatzea?

4
Bera da guretzat liteken
armarik sendoen, onena,
Gure eŕia besteengandik
era bat berezten duena!

5
Bera da ta bera izango da
eusko garaipenaren giltza
Bera il̄obiratu ezkeroz
guziok alpeŕik gabiltza!

6
Aŕos usaintsuz orniturik
eman zigun Jaunak baratza,
Ta aŕosak ondotik moztuaz
geuk indartu degu arantza.

7
Ama Doloretako gisan
euskera ezpatez josia
Sendatu bear gendukenok
geitzen diogu min bizia.

8
Bera zokopeturik, beti,
or darabilkigu erdera,
Lots aŕasto gabe diogu:
Gu? gu euskotar utsak gera!

9
Euskera goraldu eziñik
Bonaparte bat.... Humboldt, Vinson,....
Ta gogora eziñ litezken
ainbeste atzeŕitar gizon...!

10
Ta guk, bere bulaŕetatik
mutikotu giñan semeak,
Eriotzera damakigu;
¡¡Ooo... Jauna!! Zer biotz gabeak!!

11
Ez dakiñak ikasi nai ez,
dakiñak bazteŕera utzi,
Bide ortatik elburura
Noizko ta nolatan iritxi?

12
Etxekoak aŕika jasa!
ate danak itxi auzoak!
Lurperatu beste biderik
Bai ote dauka ba gaxoak?

13
Auŕeko aldean zeraten
entzule leial, on, zintzoak,
Entzun beingoz txoko batean
Abestu nituen bertsoak:

14
Zugaitzik edeŕenari ere
sustraia mozten ba'zaio
Aguro asko eroriko da
ia zer eŕemerio
Euskotar batek bere izkuntzari
bazteŕera uzten ba'dio,
Ta gau ta egun baldin badabil
erdaldun itza jario,
"No soy español" esate oriek
ez dio deusik balio!

15
Iñoiz ez degu ontzat artuko
zimendu gabe etxerik
Euzkadi ere gauza bera da
ezpaldin badu euskerik.
Izkuntzan alde egiñ ezean
alegiñ edo indaŕik
Ama gaxoa uztera ezkero
negaŕez urtzen bakaŕik
Etzegon gure menditan ainbat
odol ixuri beaŕik!!

Gaizki esanak barkatu
Ondo esanak oroitu!