Bertsos - View details To know more about this section
Eizmendi'tar Maria Mercedes zanaren bizitza [Bertsoa] / Justina Aldalur
Eizmendi'tar Maria Mercedes zanaren bizitza [Bertsoa] / Justina Aldalur
Stanza name:
Zortziko handia (hg) / Lau puntuko handia (ip)
Dokumentu-mota:
Eskuizkribua
Localization:
XDZ - Xenpelar Dokumentazio Zentroa
1
Zarauz-tar ona nai al zenduke
baten bizitza aditu
anima garbi eta aundiak
erri onek eman ditu
Aizpa Mercedes Eizmendi-tarra
aitatzera naiz abitu
bere animaz eta gorputzez
Jaunari zion serbitu.
2
Kristau bizitza ikasi zuan
oitura garbi zarrean
bere guraso eta senide
maite zienan aurrean
bere anima Sakramentuaz
nola zeukan indarrean
Jaun Espiritu Santua zeukan
bere biotz samurrean.
3
Gaztetxotikan mendetasuna
agertu zion Jaunari
Bera gatikan lagun egiñaz
praille eta apaizari
errespetoa izanaz bere
aitari eta amari
eta barruan maitetasuna
zion Ama Birjiñari.
4
Gaztetxotikan oso izan zan
argia eta langillea
ezjakiñari erakutsiaz
beartsuen emaillea
miñez zeudenen laguntza eta
saminduen pozgillea
maitetasunez serbitzen zuan
Jaungoiko Jaun Egillea.
5
Jesukristo-ren poza zan bera
Jauna artzen zuanean
egiz kristaua izan zalako
bere bizitza danean
Ama Birjiña Marian antza
zuan garbitasunean
Jaun Espiritu Santua nola
zaukan animan lanean.
6
Garbitasunan ejenplua zan
zala neskatxa gaztea
bere pausuak ikustea zan
bide ona ikastea
Jauna artzeko egunak zitun
igandeakin astea
Aizpa Mercedes onelaxe zan
Jesukriston emaztea.
7
Jaungoikoaren borondatea
bete nai zion barruak
amar Agindu beretzat ziran
amar Santuen buruak
egia ondo ikasi zion
bere biotz indartsuak
eta etzeuken engaiñatzerik
mundu zale jakintsuak.
8
Aizpa Mercedes poztutzen zuan
Jesukristo Gure Jaunak
gorputz animak indarturikan
zerutarren osasunak
eta etzien pozik ematen
gizaseme kotxe dunak
ez du iñoren inbiririkan
Jesukristo-ren lagunak.
9
Egun eta gau lana egiñaz
serbitu zion Jaunari
garbitasuna erakutsiaz
Maria-ren alabari
burla egiten bazien ere
barkatzen zien danari
otoitz egiten erakutsiaz
Ama Birjiña onari.
10
Guztiok degu neurritasun bat
bete bearra lurrean
azken orduan koroiz jazteko
Jaungoikoaren aurrean
Aizpa Mercedes bizi izan zan
Jaun Beraren bildurrean
Ama Birjiñak lagundu zion
argitzean bearrean.
11
Jesukristo-ri Teresa Santak
dira galdetutakoak
"Jauna zergatik iltzen dituzu
Sakramentu gabekoak"
Erantzun zion "Nere kontura
iltze derrepentekoak,
Zuk izan kontu errezatzeko
Sakramentuz ildakoak".
12
Bere senide iru aizpari
laguntzen diet miñetan
ez det dudatzen Aizpa Mercedes
bizi dala zeruetan
"Zuen aizpa bat izan nai nuke
bizitzako urtietan"
erregutuaz berak zerutik
lagun deigula neketan.
Eizmendi'tar Maria Mercedes zanaren bizitza [Bertsoa] / Justina Aldalur
Stanza name:
Zortziko handia (hg) / Lau puntuko handia (ip)
Dokumentu-mota:
Eskuizkribua
Localization:
XDZ - Xenpelar Dokumentazio Zentroa
Ikusi dokumentuak:
| xdz5_btx_001126.tif |
| xdz5_btx_001127.tif |