Bertsos - View details To know more about this section
Bertso berriak [Nere andre honekin txit haserre nabil] [Bertsoa] / Jazinta Arruti, Joxe Inazio Etxaburua "Asteasuko Itsua"
Bertso berriak [Nere andre honekin txit haserre nabil] [Bertsoa] / Jazinta Arruti, Joxe Inazio Etxaburua "Asteasuko Itsua"
Stanza name:
Zortziko txikia (hg) / Lau puntuko txikia (ip)
Dokumentu-mota:
Liburua
Localization:
XDZ - Xenpelar Dokumentazio Zentroa
1/
[Joxe Inazio Etxaburua:]
Nere andre onekin
txit asarre nabill,
izan ere alako
Maritxoa dabill;
gizonagana ezta
errenditzen umill,
obeditzea baño
naiago luke ill.
2/
[Jazinta Arruti:]
Obedituko nuke
merezi bazendu,
errespetoa iñoiz
norberak galtzen du;
oker zabiltza eta
nik ezin zuzendu,
gure okasioa
orrek ekartzen du.
3/
[Joxe Inazio Etxaburua:]
Nere andre Jazintak
artu didan gala,
bertso berriak
para bear dizkidala;
kulpa bage asitzen
bazerade ala,
gauza jakiña dago
gaiztoa zerala.
4/
[Jazinta Arruti:]
Publikoan diozu
gaiztoa naizela,
nik esango dizut
zuk merezi bezela;
ia dauak aditzen
jarri ditezela,
igarriko dizue
gaizki zabiltzela.
5/
[Joxe Inazio Etxaburua:]
Sekulan egin izan
eztizut gaitzikan,
al dezakedanian
mesede baizikan;
aditzen badizut
nik alako itzikan,
bizkarrean eztezu
izango otzikan.
6/
[Jazinta Arruti:]
Beti-beti bildurrez
emen nadukazu,
erandakoan beintzat
zitala zera zu;
orditu bage berriz
onik ez daukazu,
nerekin bizitzekoz
mudatu beazu.
7/
[Joxe Inazio Etxaburua:]
Itxuari pegatzen
diozu poliki,
zuk ondo jan eta ni
goseak eduki;
senar-emazteentzat
au ezta egoki,
makilla dantzatutzen
asiko naiz aurki.
8/
[Jazinta Arruti:]
Makillarekin baldin
ni joitzen banazu,
egun asko baño len
damutuko zazu;
itxu-aurreko beti
erabiltzen nazu,
zuloren batean or
gelditu beazu.
9/
[Joxe Inazio Etxaburua:]
Ni zuloan sartzeko
zaude pregonatzen,
ta len berriz goseak
naukazu penatzen,
zedorri dakizu zuk
ondo gobernatzen,
miserian beti ni
nabill akabatzen.
10/
[Jazinta Arruti:]
Jan-edanak balio
eztu zuretzako,
aien faltan etzaude
zimur eta flako,
bai enbidioso ta
txarra zeralako ...
ezin supritua zuk
andrearentzako.
11/
[Joxe Inazio Etxaburua:]
Zeñek suprituko du
gauza ori ala?
narabill arto utsa
jango nukeala,
anka ankari ezin
eman diodala,
zu herriz gobernatzen
beti egiñala.
12/
[Jazinta Arruti:]
Goseak etzaude zu,
gezurra da ori,
ez egonagatikan
eder eta lori,
sugandillak jandako
talua diruri,
beretzako au eziñ
gustatu iñori.
13/
[Joxe Inazio Etxaburua:]
Lotsa-bageagorik,
andrea, zu baño
iñun ere ikusi
ez det egundaño;
ezta desonratutzen
iñor ortaraño,
enpadatutzen nazu
atzeko alderaño.
14/
[Jazinta Arruti:]
Gauetan ordituta
arro ibillitu,
goizetan gauza ez ta
jan bage gelditu;
ez-izanak ez, baño
orrek galtzen zaitu,
ta zuk kontu ori nai
ez dezu aditu.
15/
[Joxe Inazio Etxaburua:]
Oriek esatea
ez dira komeni,
zedorrek ez dezu ta
lotsak eman neri;
jendeak badaduka
or zenbait armoni,
txit bajeza aundian
nazu ni ipiñi.
16/
[Jazinta Arruti:]
Gizon ondradua
albait artu beza,
ez zu bezin zitala
eta prestu-eza;
ezertako etzeran
geldo ezereza,
eta eman naia
daukazu bajeza.
17/
[Joxe Inazio Etxaburua:]
Itz txar asko esaten
dituzu nigati,
iya atera nazu
pazientziati;
jendea parrez dago
aldamenetati,
ezin ariko zera
orrelaxe beti.
18/
[Jazinta Arruti:]
Andiagoak ere
oraindik baditu
nere gizon txar onek,
esango banitu;
zelebreagorik ez
dezute aditu,
esaten daukat lotsa,
eziñ atrebitu.
19/
[Joxe Inazio Etxaburua:]
Gezurrak asmatutzen
dadukazu neke,
lotsagati bestela
esango zenduke;
isildu bage ere
ariko ziñake
nere tatxak esaten
baldin baneduke.
20/
[Jazinta Arruti:]
Etzaude bizikari
guziz gustosoa,
ordiya eta eskasa,
pantasiosoa,
deskonpiatua ta
errezelosoa ...
beti beldurrez dago
zure andre gaixoa.
21/
[Joxe Inazio Etxaburua:]
Nik ikusten ez ta zuk
nai dezuna egin,
beti neri pegatu
ta gaizki itzegin;
nik asmatzen dizkitzut
txit gutxi utsegin,
zurekin bizitutzen
eztago atsegin.
22/
[Jazinta Arruti:]
Ai, Jose Inazio,
etzabiltza justu,
itz geiegi dituzu
nere kontra nastu;
andreak orrelako
tatxarikan eztu,
gezurrak esan ditu,
ez oni sinistu.
23/
[Joxe Inazio Etxaburua:]
Gezurtia naizela
orra neri esan,
aundienetakoa
zu zedorri izan;
aurrea artzen dezu
faItsoaren gisan,
nik ezagutzen zaitut
zergatik zabiltzan.
24/
[Jazinta Arruti:]
Asiera bezela
guk errematea,
alperrikan da zuri
ondo esatea;
orren huru gogorra
gizona izatea,
eztezu balio ta
isildu zaitea.
Iturria: Zavala, Antonio. "Alzo'ko Imaz bertsolaria". Donostia: Sendoa, 1967. Auspoa liburutegia; 68-69-70. 375-383 or. https://www.euskaltzaindia.eus/dok/iker_jagon_tegiak/auspoa/10634.pdf