2019-11-24 Oiartzun Txapelketa [Bertsoa] / Asier Azpiroz Iztueta, Alaia Martin

Zuek bizilagunak zarete, eta txandaka garbitzen dituzue eraikineko eskailerak. Zuk, Asier, dagokizunean, hiru orduko garbiketa sakona egiten duzu. Alaiak, ordea, ordu laurdenean egiten du.

Description

Melody

Igaran egun batez

Stanza name

Zortziko txikia (hg) / Lau puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Txapelketetako Bilduma

2019-11-24 Oiartzun Txapelketa [Bertsoa] / Asier Azpiroz Iztueta, Alaia Martin

Stanza name: Zortziko txikia (hg) / Lau puntuko txikia (ip)
Localization: XDZ - Xenpelar Dokumentazio Zentroa

A. Azpiroz:
Elkarbizitza ez da
batere erreza
neri Alaiak sortu
dit kriston estresa.
Zure estiloa da
benetan espresa
hastea kosta baina
bukatzeko presa.

A. Martin:
Bizi etsai naiz eta
bizilagun nintzen
baina ez zaitez hasi
alperrikan mintzen
ni saiatzen naiz ertzak
fintzen eta fintzen
nire hilabetetan
justu ez da zikintzen.

A. Azpiroz:
Asko zikintzen da, bai
baina zu nagitu
lau hanketan jarrita
behar da aritu
txukun utzi dezunik
ez zait iruditu
hor beheko zokaloa
ez dezu garbitu.

A. Martin:
Badut eskotxbritea
badut likidoa
eta besoetan dut
sasoi solidoa
zokaloko hostoana
a ze enbidoa!
Propio utzi nahi nion
udazken giroa.

A. Azpiroz:
Jo ba oraindik degu
udazken hasera
ta ez nuke heldu nahi
neguan sartzera
dena garbitzen horren
azkarra bazera
etorri behar dezu
zuk nere etxera.

A. Martin:
Zure etxean hainbeste
festa ta antzerki
planinga segi zagun
lehengoa sinpleki
nik ez badut garbitzen
ondo ta ederki
hilabetero lasai
garbi zazu beti.

BDB Bertsolaritzaren datu-basea

Bertsos - View details To know more about this section