Bertsos - View details To know more about this section
Arrosaren kantua [Bertsoa] / Joanes Etxeto "Senpereko Errient"
Arrosaren kantua [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localization:
XDZ - Xenpelar Dokumentazio Zentroa
I
Arrosak eder baino jeloskorrago zelarik
Ikusi zuen imortala aldean jarririk,
Eta hori bere etsaiarendako harturik,
Behatze bat egin zion bisaia borthizturik.
II
Inbidios horrek erran zioen bai goraki:
Nola ausarta haitake konparatzerat niri?
Zertan ahal duken beraz ni naizena iduri?
Diferenziarik ez deia gu baithan ageri?
III
Konsidera beraz ongi neure argitasuna,
Bai eta hire kolore bethi ilhuntasuna.
Zer! deithua naun komuzki loreen erregina,
Eta uste dun hirekin ez dukedan gaihena!
IV
Imortalak erran zion eztitasunarekin:
Ez dizut, ez, segur nahi konparatu zurekin.
Ezagutzen dizut beraz nik xoramendurekin
Zure argitze ederra eklat handiarekin.
V
Bainan edertasun xoragarri horrek ez duke
Neure jelosia segur pitzarazten batere.
Ontasun bat ez dukezu balios behin ere,
Nun ez den asantatua gisa bat edo bertze.
VI
Bada zur´edertasuna, goizetik arratsean,
Histua kausitzen duzu istantetik bertzean,
Loriatzen zare xarma zerutik duzunean,
Eta edertasun guti iraupen duenean.
VII
Bai, nahiz neure tretuak guti ederrak diren,
Segur ez dire beldur urtheen borthiztasunen.
Guti brilatzen dudana bethi dizut brilatzen,
Hortakotz ez dautzut beraz inbidia ekhartzen.
VIII
Ikusten dire fidelki, bi lore horietan,
Edertasuna eta berthutea mintzoetan,
Lehenak akhabantza du bai ephe laburretan,
Azkenak iraupena du denbora guzietan.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 216 or.
http://hedatuz.euskomedia.org/4008/