Bertsos - View details To know more about this section
2022-02-20 Zornotza Berezia [Bertsoa] / Anjel Mari Peñagarikano, Jone Uria Albizuri
Bertsoa entzun |
2022-02-20 Zornotza Berezia [Bertsoa] / Anjel Mari Peñagarikano, Jone Uria Albizuri
Stanza name:
Hamarreko txikia (hg) / Bost puntuko txikia (ip)
Localization:
XDZ - Xenpelar Dokumentazio Zentroa
A. M. Peñagarikano
Horrenbeste urtetan
jardun eta jardun
gainera izan nahi nuen
jokoan euskaldun
gauza asko ikusten
nituen hain urrun!
Orain elkarrekin ta
aitortu dezagun
Eli zu zaitudala
lehen bezain lagun. (bis)
J. Uria
Biok baikara talde
bereko alaba
eta hobetzen doa
ai azken bolada
emakumeen futbolak
horrenbeste traba
garaiz utzita duten
neskatxen ilada!
Rekorra gainditzea
seinale ona da. (bis)
A. M. Peñagarikano
Ba zu ere ez zinen
batere makala
denek esaten zuten
“Eli mundiala!”
Nik banekin rekorra
oso gaitza zala
ta apurtu egin dut
uste ez bezala…
Nerea ere norbaitek
apurtu dezala! (bis)
J. Uria
Biok egongo gara
albotik begira
gure rekorrei heltzen
zaien despedida
baina gauza erreza
ere ez dago tira!
Jendea ez dabil azkar
minez erretira
hortarako baldintzak
jarri behar dira. (bis)
A. M. Peñagarikano
Erika eta Eli
gu ez gera arrotz
ta guk egin duguna
ez da geratu motz
eta jarraitutzea
hobe dugu askoz
gero esan dezaten
denek bere ahoz
“Bi on joan ziran baina
hobeak badatoz!”. (bis)
J. Uria
Hobeak baietz heldu
ta gerra ematen
ta guk segiko dugu
sari eramaten
inbidiarik gabe
ta denak poz baten
ia guztiok berdin
egin genezakeen
eta segitzen dugun
eredu izaten. (bis)